Đơs tàm pơrjum, ồng Dương Văn Trang, Ủy viên Đảng Dà lơgar, Ƀí thư Tỉñ ủy, Củ tịc Hội đồng Ñân zân càr, Kwang atbồ Mpồl đơng lam rcang sơndră sa kuề, sa kuà mờ bơta ờ niam càr Kon Tum dê pà gĭt, tàm tơngai pa do Ƀan Thường vụ Tỉñ ủy Kon Tum neh tơrgùm đơng lam ală kấp ủy, mpồl Đảng lam lơh jat niam, dùl ròt bal gùng dà broă lơh bơh Đảng, adat boh lam bơh Dà lơgar dê bè broă lơh rcang sơndră sa kuề, sa kuà mờ bơta ờ niam.

Di tŭ tơlik mat Mpồl đơng lam rcang sơndră sa kuề, sa kuà mờ bơta ờ niam càr dê; sùm lơh dơ̆ lòt sền, jat sền bè broă lơh rcang sơndră sa kuề, sa kuà mờ bơta ờ niam; sồr lơh mhar tŭ tơngai lùp khàu, yal yă, cah rơña, lơh glài ală dơ̆ broă, broă lơh tìs sa kuề, sa kuà mờ bơta ờ niam; ală broă lơh rcang sơndră sa kuề, sa kuà geh lam lơh dùl ròt bal; ală broă lơh tìs, broă sa kuề, sa kuà mờ bơta ờ niam geh sền gŏ di tŭ mờ lơh glài kràñ.