Do là dơ̆ dong kờl dơ̆ 2 tàm nam 2023 bơh kes priă Kông đoàn dê. Tổng Liên đoàn neh tơlik Kơrnoăt pơn jăt tai lơh jăt khà dong kờl đoàn viên, cau lơh broă geh 145 tơmàn đong. Mùl màl, cau lơh broă gơtìp tơmù jơ lơh broă pah ngai, tơmù khà ngai lơh broă tàm poh ha là tàm nhai; ơm broă lơh bơh 14 ngai rơlao hờ đang mờ geh priă ờ uă rơlao mờ priă nhai ờ uă ngan tiah geh dờp tàm broă lơh bal den geh dờp 1 tơlăk đong. Cau ơm ing lơh broă bal, ơm lơh broă ờ sa priă nhai bơh 30 ngai rơlao hờ đang (ờ kờp jơnau să tờm) dờp geh 2 tơlăk đong. Cau lơh broă roh broă lơh mơya ờ tơl bơta nàng dờp bơta dong kờl ờ geh broă lơh kờp dŭ geh dong kờl 3 tơlăk đong. Broă dong kờl ờ ngui mờ cau tơn jơh is lơh broă ờ di mờ adăt boh lam, gơtìp lơh glài tơlik lơh broă, tơrlòng lơh broă ờ geh cồng nha jăt mờ jơnau kờñ ha là dùl đah ờ dờp jơnau ring bal, cau geh dờp priă nhai neh lơh sơnam lơh broă, dong kờl ờ tơl pràn lơh broă pah nhai. Broă dờp sră geh lơh bơh lồi nhai 8, tus jơh nhai 12  nam 2023 mờ lơyài ngan tus ngai 31 nhai 1 nam 2024. Lơh ngan lơh gơs khà dong kờl lơyài ngan lài mờ ngai 31 nhai 3 nam 2024.