Ủy ƀan Thường vụ Quốk hội lơh nền bơyai lơh Pơrjum kwang bàng Quôk hội ờs lơh kơnòl broă dơ̆ 4, tơngai lơh broă khoă XV nàng cribơyai, tă pơgồp jơnau đơs bè 9 rơndăp broă lơh adat yal mờ Quốk hội in tàm Pơrjum dơ̆ 6. Pơrjum kwang bàng Quôk hội ờs lơh kơnòl broă rơ̆p geh bơyai lơh jăt broă lơh pơrjum tơrgùm bal tàm Anih pơrjum Diên Hồng, Hìu Quốk hội bơh ngai 28 tus ngai 30 nhai 08 nam 2023.

Ngan ngồn, ală kwang bàng Quốk hội rơ̆p tă pơgồp jơnau đơs tàm ală rơndăp broă lơh Adat: Ù tiah (tam gơl); kă bro ù tiah hìu đam (tam gơl); Ală mpồl ai càn priă (tam gơl); Hìu ơm (tam gơl); Dà (tam gơl); Viễn thông (tam gơl); Kăn kướk làng bol (tam gơl); Mpồl cau tus bal sền gàr lơngăp lơngai, rơndăp tăp sèng tàm ƀòn lơgar; Atbồ, sền gàr broă lơh bơt bơtàu gah sền gàr dà lơgar mờ tiah mpồl ling klàng. Do là ală rơndăp broă lơh geh bàr pe broă dờng gam geh jơnau đơs krơi is, neh geh Quốk hội tă pơgồp jơnau đơs tàm pơrjum dơ̆ 5 pa do, tàm hơ̆, Quốk hội tă pơgồp jơnau đơs dơ̆ 2 gơwèt mờ rơndăp broă lơh Adat ù tiah (tam gơl); mờ tă pơgồp jơnau đơs dơ̆ sơn rờp tàm 8 rơndăp broă lơh gam wơl.