Kwang đơng lam bồ càr Dăk Lăk hơ jơnau lùp bè jơnau yal mờr 3 rơbô kơnòm bơsram ờ geh hìu bơsram nàng lòt bơsram
Thứ năm, 09:13, 17/08/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tềng đăp jơnau yal mờr 3 rơbô nă kơnòm bơsram jơh bơsram kấp bàr tàm càr Dăk Lăk tŭ do ờ hềt geh hìu bơsram nàng bơsram lơh kơnòm bơsram mờ mè bèp kơnòm bơsram dê kơlôi sơnơng, kwang đơng lam bồ càr Dăk Lăk neh hơ jơnau lùp bơh VOV dê bè rơndăp broă lơh bơsong broă do.
Jăt ồng Phạm Minh Tấn, Phó Ƀí thư Lơh broă sùm Tỉñ ủy càr Dăk Lăk, nàng gàr niam ală bơta ai mờr 3 rơbô nă kơnòm bơsram geh mut ơdŭ 10 gah bơto bơtê sùm in, tềng đăp mat, Tỉñ ủy càr Dăk Lăk đơng lam Ủy ƀan Ñân zân càr mờ ală mpồl lơh broă geh gơrềng tàm pơn ring ai tai priă jền mờ ai jơnau sồr ală Anih tờm bơto bơtê sùm, bơto broă lơh in pờ tai ơdŭ mờ lơh sră pơrgon mờ cau pơgru Hìu bơsram kấp pe tàm ù tiah càr dê nàng bơto bơtê.
Bè jŏ jòng, bơdìh mờ broă bơcri priă lơh rề ơnàng phan bơna, mpồl cau pơgru càr rơ̆p lơh jăt broă lơh tàm pơrlòng sac rơwah halà sền sơ wì sac rơwah cau bơsram jăt uă bơta nàng gàr niam bơta ring bal tàm broă sac rơ wah hìu bơsram jăt bơta pràn jăk bơsram sră bơh ală kơnòm bơsram dê.
Viết bình luận