Càr Lâm Đồng geh 5 sàh tiah nhàr lơgar hơđang ù gờl là: Tuy Đức, Quảng Trực, Thuận Hạnh, Thuận An mờ Dăk Wil. 5 sàh do tŭ do geh 47 hìu bơsram bơto bơtê mờ 39 nơm hìu bơsram Dà lơgar, 5 hìu bơsram làng bol lơh is.

 Jat mò Lê Thị Bích Liên - Kwang lam bồ Sờh Bơto bơtê mờ Bơsram càr Lâm Đồng, neh geh 2 tiah nhàr lơgar, là sàh Thuận An mờ Quảng Trực gam jơh nùs rcang ală bơta mờ rơ̆p sơnđờm mut lơh tơn tàm nam 2025. Tơl hìu bơsram geh bơta ơnàng 30 ơdŭ, tơl bơto bơtê mờ bơsram ai pơgăp 1 rơbô nă kơnòm bơsram in. Ală broă lơh bơt bơtàu do geh kơ̆p kơnờm rơ̆p dong kơnòm bơsram tiah nhàr lơgar geh tiah sa, tiah ơm mờ tiah bơsram kơl jap, pơgồp bơnah bơtàu tơnguh mpồl lơh broă lơh kơ̆ kơl jap rlau tai sền gàr Dà lơgar- lơngăp lơngai tiah nhàr lơgar dê.