Tàm dơ̆ lơh broă, tơnơ̆ tŭ iăt ala măt Cíñ phủ mờ Mpồl Jăt sền dê sền Jơnau yal dùl êt broă lơh jăt mờ jơnau yal dùl êt đơs bơh sơnrờp bơh Mpồl jăt sền tam gơl pa jơnau bơto bơsram, sră giăo khoa pe kâp dê, kwang bàng tàm Mpồl jăt sền mờ kwang bàng ala măt tus bal neh cribơyai bè ală tơngume tàm 2 jơnau yal. Tàm hơ̆, geh ală broă, bè: sền swì bè Jơnau bơto bơsram jơh ală bơta mờ ală jơnau bơto bơsram môn bơsram; Broă tam gơl pa broă bơto, broă sền swì cồng nha bơto bơtê; Broă sền swì cih, sền swì lơh nền, kĭ, lơh tăc sră mờ giă sră giăo khoa; Bơta geh ngan mờ jơnau sồr, jơnau dan gơ wèt mờ broă mpồl kwang bàng cau pơgru pe kâp; Phan bơna, măy mok phan ngui bơto bơsram drơng broă lam lơh jăt jơnau bơto bơsram pa...

Ala măt kwang đơng lam bồ Ƀộ Giăo zụk mờ Đào tạo; ală ƀộ gơrềng bal mờ Phó Thủ tướng Cíñ phủ ồng Trần Hồng Hà iăt kơno jơnau sồr, jơnau dan; mblàng yal lơh loh bàr pe broă kwang bàng tàm Mpồl jăt sền lùp uă.