Tŭ do, anih tờm gam atbồ, sền gròi, ròng siam 350 nă cau geh dong kờl mpồl bơtiàn geh cau dờng sơnam, cau kuet kơlte kơn jơ̆, cau ờ niam bồ tơngoh- sơnrang, kơnòm dềt geh rài kis kal ke mờ cau ròng siam jat bơta kờñ is să tờm dê.

Anih tờm geh lơh ală anih is ồn dipal mờ tơl mpồl cau bè cơldŭ lơh pràn wơl să jan, ƀlàng coh plai, ƀlàng nhơl plai tơrnò… mờ kung gàr niam ală broă lơh dong kờl mpồl bơtiàn, sơnơm tơmba, bơto bơsram, anih nhơl ñŏ. Đềt mềr lùp còp, pơn dờm pơnđiang ală cau gam geh ròng siam tàm anih tờm, ồng Nguyễn Văn Nên jờng rơ broă lơh ngan bơh mpồl kwang bàng, cau lơh broă dê tàm broă sền gròi rài kis phan bơna, nùs nhơm ai ală cau geh sền gàr, dong kờl in. Ồng kung dờp jơnau dan bơh anih tờm dê, sồr đơng lam càr sền gròi bơsong ală broă gơ wèt gơnăp gơnoar, nàng kờñ tơnguh bơta niam lơh broă anih tờm dê, pơgồp bơnah niam rlau tai sền gròi rài kis phan bơna, nùs nhơm ai ală cau gam geh atbồ, sền gàr tàm anih tờm in.