PC Dăk Lăk jàu pà hìu bơta nđàc
Thứ sáu, 07:50, 04/08/2023
Cau mblàng Lơ Mu K' Yến/VOV Tây Nguyên
Cau mblàng Lơ Mu K' Yến/VOV Tây Nguyên
VOV4.K’Ho- Ngai 02 nhai 08, Kông ty Ồs đèng càr Dăk Lăk (PC Dăk Lăk) bơyai lơh Dơ̆ jàu hìu bơta nđàc ai hìu bơnhă ồng Lê Văn Tam in tàm tổ Zân phố 7, sơnah Ea Tam, ƀòn dờng Buôn Ma Thuột.
Do là hìu bơnhă gơ wèt hìu rƀah, hìu lài hơ̆ dềt ngan mờ ờ gam niam tai, ờ kơnhăp ai 5 nă cau in ơm kis. Bơh khà priă 50 tơlak đong bơh Gah ồs đèng dê dong kờl, hìu bơnhă ồng Lê Văn Tam neh tă pơgồp tai nàng lơh sir broă lơh hìu bal mờ bơnàng hìu ơnàng 100 thơk vuông.
Tàm dơ̆ do, PC Dăk Lăk gam pà 01 nơm ti vi nàng hìu bơnhă ồng Tam in geh tai phan ơn tàm hìu. Kơno yal, do là dùl tàm 5 hìu bơnhă kal ke geh Kông ty Ồs đèng càr Dăk Lăk dong kờl lơh hìu bơta nđàc tàm dơ̆ do. Ală hìu geh lơh mờ jàu di tŭ dong ală hìu bơnhă lơngăp lơngai tềng đăp nhai mìu càl rbŭt dờng, geh tai bơta gơn kơnờm brồ guh tàm rài kis.
Viết bình luận