Phó Củ tịc lơgar mò Võ Thị Ánh Xuân, Củ tịc lơgar lài do ồng Nguyễn Xuân Phúc neh tus bal pơrjum mờ jào priă bơsram. Tàm pơrjum, Mpồl bơyai lơh neh jào pà 250 khà priă bơsram, pà kơnòm bơsram tàm 16 càr, ƀòn dờng tiah tàm gùl lơgar mờ Tây Nguyên geh nùs nhơm lơh ngan sơrlèt mờ kal ke, brồ guh bơsram jăk mờ cau dờng geh uă cồng nha geh pơnrơ ngan tàm broă bơsram sră, bơsram sră sùm.

Đơs tàm dơ̆ pơrjum jào priă bơsram, Phó Củ tịc lơgar mò Võ Thị Ánh Xuân đơs tờm: broă bơsram sră mờ bơsram tàp jơh rài là broă kờñ geh ngan, là jơnau kờñ bơh dà lơgar dê gơwèt mờ tơl nă làng bol. Mpồl Pơlam broă bơsram sră Việt Nam pal pơn jăt tai geh uă broă tă pơgồp bal ai broă pơlam bơsram sră, pơlam chài, bơ̆t bơtàu mpồl bơtiàn bơsram sră tàm tơngai pơn jăt tai.