Do là ală cau mè mờ kòn geh pơnrơ jăk tus bơh 39 càr, bòn dờng tàm Broă lơh “Cau mè dờp dong kờl” geh Mpồl cau ùr Việt Nam lam lơh. Tơnơ̆ mờ mờr 2 nam lơh, Broă lơh geh rơlao 32 rơbô nă cau mè dong kờl; hòi jà geh rơlao 115 tơmàn đong nàng dong kờl sền gàr ai 19 rơbô 760 nă kòn dềt kòn đời, tàm hơ̆, geh rơlao 3 rơbô nă kòn dềt kòn đời gơtìp kòp Kovid-19 lơh aniai.

Phó Củ tịc lơgar đơs tờm, broă lơh neh mùl màl gơs anih kơl dìng lơh geh uă nùs nhơm kờñ gơboh gơwèt mờ kòn dềt kòn đời tàm gùt lơgar in. Phó Củ tịc lơgar sồr Mpồl cau ùr Việt Nam pơn jăt tai geh sùm broă lơh do, bal mờ bơta niam kơl jăp bơh broă lơh “Cau mè dờp dong kờl”. Tàm tơngai tus, Mpồl cau ùr Việt Nam kơlôi sơnơng mờ lơh geh uă rơlao tai ală broă lơh di pal mờ gơnoar, kơnòl geh jào nàng dong kờl tai uă cau ùr, kơnòm dềt geh rài kis gơtìp kal ke in tơl bơta pràn nàng tơnguh bơtàu niam bơnĕ.