Tơnơ̆ tŭ lòt còp tơn 4 hìu bơnhă geh pơn rơ, Phó Củ tịc Quôk hội mò Nguyễn Thị Thanh neh tìp mat, pà phan kah ưn ngài ai 100 nă cau geh màng mờ dà lơgar tàm ù tiah Dà Làc in.

Phó Củ tịc Quôk hội đơs sùm, Đảng mờ Dà lơgar sùm sền gròi lam lơh broă lơh dong kờl cau geh màng mờ dà lơgar, mờ kung sồr càr Lâm Đồng pơn tai lơh pràn ală broă lơh “Kis git jơnau git adat”. Càr tŭ do geh rlau 21 rbô nă cau chơt màng, 11 rbô nă cau ling sồt să mờ rlau 40 rbô nă cau lơh broă tàm rài tam lơh. Bơdìh mờ 100 bơnah phan pà tàm dơ̆ do, mò Nguyễn Thị Thanh kung hòi jà ală cau geh nùs nhơm niam dong kờl tai 400 bơnah phan pà pơyua tus ală hìu bơnhă geh màng mờ dà lơgar tàm ală càr Lâm Đồng, Dăk Nông mờ Bình Thuận lài do.