Pơrjum geh bơyai lơh pờ tơlik tơn tàm internet tàm tơrbŏ bal mờ 14 càr, tiah dòr mờ tiah kơh bơnơm đah Tô dà lơgar dê. Phó Thủ tướng jờng rơ uă ngan broă lơh lam lơh jăt ală broă lơh jơnau kờñ dà lơgar bơh ală càr tàm tiah dòr mờ tiah kơh bơnơm đah tô dà lơgar dê.

Ngan ngồn pà gŏ tiah lơi gơnoar atbồ kràñ cê jơh nùs lam lơh den tiah hơ̆ geh broă lam lơh mhar ngan mờ lơh geh cồng nha uă, ngan là tàm broă lơh jăt sền mờ lam lơh jăt. Bè broă ai priă dà lơgar neh geh tam pà, Phó Thủ tướng sồr ală càr tàm tiah neh geh tam pà priă dà lơgar ai 3 broă lơh jơnau kờñ in pal lam lơh mơ tơn mờ ai jơh khà priă bơh nam 2022 tơrgùm bal mờ nam 2023, pơnđơl pràn lơh ngan lơh geh ết ngan rlau jơh 90% priă bơcri bơh nam 2023 dê. Phó Thủ tướng kung sồr ală tiah ờ gŏ di bơcri priă rah rài mờ pal tơrgùm bơcri priă lơh di broă, di anih; tàm bơr lŭ bal mờ ală priă bơcri nàng lơh jăt 3 broă lơh jơnau kờñ dà lơgar dê, mơkung sơlơ lùp bơsram bơta mờng chài lơh broă đah ală tiah tàm broă lam lơh jăt.