Phó Thủ tướng kơ̆p kờñ Đảng ƀộ, gơnoar atbồ mờ làng bol xã Ea Tul pơn jăt tai lơh jăt niam nùs nhơm tam klăc bal, rcang lài tàm srơh jơh gùt làng bol tam klăc bal gàr niam lơngăp lơngai rơndăp tăng sèng tàm ƀòn lơgar, ngăc ngar tàm broă tam dră wơl mờ ală jơnau đơs ờ ngan, tam dră mờ Đảng, Dà lơgar mờ lơh roh bơta tam klăc bal jơi bơtiàn tàm ù tiah xã đơs bal, càr Dăk Lăk đơs is, nàng pơgồp bơnah bơt bơtàu mpồl bơtiàn rơndăp tăp sèng, duh rngòt adat boh lam, lơngăp lơngai, gàr niam rài kis lơngăp lơngai bơh làng bol dê.

Tàm ngai chờ, ala mat Bộ Kwang àng, ală kấp ngàñ tàm càr Dăk Lăk neh pà ƀằng khen ai uă mpồl cau, cau dùl nă să neh geh cồng nha jak ngan tàm srơh Jơh gùt làng bol sền gàr lơngăp lơngai dà lơgar tàm xã Ea Tul tàm tơngai pa do. Phó Thủ tướng Cíñ phủ kung neh jơh nùs jàu pà uă bơnah phan pà ai ală hìu bơnhă geh dà kơl hề mờ dà lơgar, kal ke tàm xã in.