Tàm pơrjum, rlau 300 nă kwang bàng, cau chài gah broă lơh Ƀảo hiểm xã hội tiah đah jum dà lơgar iăt mìng ală tơngume bè ală Jơnau cih pa mờ tơngkah bàr pe tơngume nàng lam lơh jăt ring bal ală broă lơh dong kờl ƀảo hiểm xã hội, ƀảo hiểm ờ geh broă lơh; broă lơh sền swì kờp sền lơh nền khà cau, khà priă pal tơm nam 2022.

Ală kwang bàng neh lùp, cribơyai, tus bal tă pơgồp jơnau đơs tàm ală jơnau rơcăng cih sră nggal bè broă lơh sền swì tơrgùm kờp priă jền, ală broă pơlam bơsong dờp ală priă dong kờl ƀảo hiểm xã hội, tă priă ƀảo hiểm ờ geh broă lơh mờ sră nggal bơto pơlam ală jơnau cih pa. Pơrjum kung cribơyai bè bàr gùng dà broă lơh ai jơh ƀảo hiểm xã hội dùl dơ̆ tàm rơndăp lơh Adat Ƀảo hiểm Xã hội (tam gơl) gam ai ală jơnau đơs ală rơnàng làng bol dê. Jăt mờ hơ̆, gùng dà broă lơh ai gơnoar cau lơh broă in ai 50% rơ̆p gàr geh bơta dipal bè gơnoar kwơ ai cau lơh broă in.