Pơrjum geh rlau 35 jơnau cribơyai tus bơh ală cau jak chài, cau kơlôi sơnơng lơh broă lơh adat boh lam tàm gah ù tiah. Pơrjum tơrgùm cribơyai tàm ală tơngume gam dờp geh bơta sền gròi bơh mpồl bơtiàn dê kung bè ală kâp atbồ dê bè rơndap ù tiah, broă rơndap lơh ngui ù; ai wơl ù, tơm wơl priă, dong kờl, rơndap ƀòn ơm kis pa mờ ai gơnoar ngui ù; broă ngui ù; priă jền ù tiah, giă ù mờ bơsong bơta tam pìt tam phà, yal yă bè ù tiah…

Ală jơnau đơs neh đơs song dơpă, ală jơnau cribơyai tàm pơrjum neh lơh loh kơnòl bơh ală anih lơh broă dê tàm rơndap ù tiah ngui ù, rề ơnàng gơnoar ai cau ngui ù in geh dờp broă lơh tơm wơl priă, dong kờl rơndap tiah ơm kis pa; tơngume adat boh lam tàm broă atbồ giă ù jat kơrnuat drà kă bro; bơta ờ niam mờ broă lơh tàm tam pìt tam phà ù tiah.