Dơ̆ lùp mờ hơ jơnau lùp geh lơh duh hồl mờ bơnah tơlik jơnau lùp bơh kwang bàng Quôk hội dê đơs song tàm ală bơta ờ niam tàm broă lam lơh 3 broă lơh jơnau kờñ dà lơgar bè bơt bơtàu ƀòn lơgar pa; bơtàu tơnguh lơh sa- mpồl bơtiàn tiah làng bol jơi bơtiàn dùl êt nă cau mờ tiah kơh bơnơm; tơn jơh jơgloh tơrmù rƀah kơ̆ kơljap.

Ƀộ trưởng, Củ ñiệm Ủy ƀan jơi bơtiàn kòn cau ồng Hầu A Lềnh pà git: bơta kal ke ngan rlau jơh tŭ do là lam lơh broă lơh jơnau kờñ dà lơgar bè bơtàu tơnguh lơh sa- mpồl bơtiàn tiah làng bol jơi bơtiàn dùl êt nă cau mờ tiah kơh bơnơm. Uă gùng dà, broă lơh dong kờl ndai geh gơ rềng tus tiah làng bol jơi bơtiàn dùl êt nă cau pal geh yal tơnggit mờ bơ tơl, tam gơl dipal mờ bơta geh ngan. Tus ngai 30/3, jơh 15 Ƀộ, gah broă lơh dà lơgar geh jàu kơnòl neh bơsong mờ geh sră nggal hơ, pơlam ai ală tiah in bơsong gơtùi 121 bơta kal ke, kòl yan.