Thường vụ Quôk hội cribơyai bè mìng dùl tơngume jat sền tam gơl pa broă bơto bơsram, sră giáo khoa pe kấp
Thứ sáu, 13:53, 14/07/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Pơn jat tai broă lơh pơrjum dơ̆ 24, ngai do 14/07, Ủy ƀan Thường vụ Quôk hội iăt jơnau yal bè cồng nha jat sền bơh sơn rờp bè mìng dùl tơngume jat sền bơh Ủy ƀan Thường vụ Quôk hội dê bè “broă lơh jat Nghị quyết sồ 88 nam 2014 Quôk hội khoă XIII mờ Nghị quyết sồ 51 nam 2017 Quôk hội khoă XIV bè tam gơl broă bơto bơsram, sră giáo khoa pe kấp”.
Đơs tàm pơrjum dơ̆ 24 bơh Ủy ƀan Thường vụ Quôk hội dê, Củ tịc Quôk hội ồng Vương Đình Huệ đơs sùm: mìng dùl tơngume jat sền bơh Ủy ƀan Thường vụ Quôk hội dê bè “broă lơh jat Nghị quyết sồ 88 nam 2014 Quôk hội khoă XIII mờ Nghị quyết sồ 51 nam 2017 Quôk hội khoă XIV bè tam gơl broă bơto bơsram, sră giáo khoa pe kấp” kwơ màng ngan, geh cau tĕ khà mờ làng bol sền gròi ngan.
Củ tịc Quôk hội sồr Ủy ƀan Thường vụ Quôk hội tă pơgồp jơnau đơs nàng mpồl jat sền in kơlôi sơnơng, iăt kơno mờ ngan ngồn lơh broă mờ Ƀộ Giáo dục mờ Đào tạo mờ Cíñ phủ lài mờ tŭ yal mờ Thường vụ Quôk hội in bơyai lơh jat sền mờ pơrjum ờs mờng nhai 8 tus.
Viết bình luận