Rơndap broă lơh geh lam lơh jat Sră lơh broă bal đah Anih lơh broă Bơtàu tơnguh Tiah ơm kis dunia lơgar Nhờk, Mpồl cau gơtìp sơnơm khih điôxin lơh aniai Việt Nam mờ Anih lơh broă bal Dunia lơgar Nhờk. Tus tŭ do, broă lơh neh bơto bơtê geh 4 nă kỹ sư lơh sa suơn sre mờ 6 nă cau jak chài ờs mờng gah lơh sơnơm nàng dong kờl cau lơh broă kuet kơlte tài gơ rềng bơh sơnơm khih điôxin. Bơdìh hơ̆ tai, Ủy ƀan lơgar Nhờk dong kờl ƀòn sơnơm khih điôxin lơh aniai neh hòi jà tă pơgồp bơh rlau 270 nă làng bol lơgar Nhờk, tă pơgồp priă jền lơh ală hìu jàl tam biap thủy kañ mờ ală wàng dờng tam biap tàm ƀòn dờng Hồ Chí Minh. Tus tŭ do, broă lơh tam biap sàng goh neh cèng wơl bơta kuơ gơguh uă, tac gar sơntìl ai ală suơn tam biap bơdìh ƀòn dờng in. Ală sră pơrgon dan blơi phan geh dờp bơh internet mờ tac tơn ai ală cau dong kờl in nàng pleh tac phan bơh anih tac bro, lơh gơbàn bơta kuơ cau kòn gùng mờ tơrmù bơta kuơ lơh geh ai cau kuet kơlte in.