Tàm dơ̆ pơrjum, ală kwang bàng sồr ai gơnoar ală rơndap ù tiah ngui ù geh lơh dơ̆ lĕ bal mơya rơndap ù tiah kâp dờng rlau den pal geh ring bal, kĭ kơrnuat lơh nền lài mờ rơndap ù tiah lơyah rlau. Tơnơ̆ uă dơ̆ ai jơnau đơs tàm jơnau rơcang cih Adat Ù tiah (tam gơl), tus tŭ do, tơngume gơ rềng tus bơta pal jat lơh rơndap ù tiah, broă rơndap lơh ngui ù gam geh uă jơnau đơs krơi is.

Jat ală kwang bàng đơs, tŭ do nàng bơsong broă rơndap ù tiah kâp dà lơgar sùm geh bơta lơyài, sùm lồi nam sơn rờp bơh tơngai rơndap ù tiah pa den rơndap ù tiah ngui ù dà lơgar hơ̆ sồng geh ring bal, tàm tŭ Adat Ù tiah cih broă rơndap ù tiah ngui ù kâp kơnhoàl nàng bơnàng jă nàng ai wơl ù, jàu ù, ai ơpah ù.