VOV4.K’Ho- Drim ngai 18/04, hơ̆ là ngai 10 nhai 03 nam he dê tàm uă tiah làng bol ơm kis, anih duh khoai tàm ală càr tàm tiah Tây Nguyên geh bơyai lơh broă lơh duh kah Bơtau Hùng mờ nùs nhơm sơlơ lơh niam rlau tai bơta tam klăc bal dùl mhàm bal Lạc Hồng wèt rê mờ nggu ryah tờm jơi bơtiàn dê.

VOV4.K’Ho- Broă mus kơl brê tàm càr Dăk Lăk tơngai pa do gơtìp uă rơlai tŭ lơi jơh. Ală bă brê gơtìp mus kơl uă ngan tàm bơta uă cau tờm brê ờ atbồ, sền gàr nền nòn, uă cau tờm brê neh ờ tơl pràn tàm broă sền gàr brê. Geh ờ uă tiah tàm càr Dăk Lăk kong gơtìp mờ bơta brê gơtìp roh jơh.

VOV4.K’Ho- Pơn jat tai broă lơh pơrjum dơ̆ 32, drim ngai 17/04, Ủy ƀan Thường vụ Quôk hội tă pơgồp jơnau đơs bè rơndăp broă lơh Adat phan lời wơl niam chài (tam gơl).

VOV4.K'Ho - Drim ngai 17/4, Thủ tướng Cíñ phủ ồng Phạm Minh Chính tìp mat, kah ưn ngài ală cau ling Điện Biên, ơruh pơnu lam lài, cau lơh gùng tus bal tơn dơ̆ tam lơh Điện Biên Phủ di tơngkah 70 nam tam lơh pha lin Điện Biên Phủ (07/5/1954 – 07/5/2024).

VOV4.K'Ho- Mho òr (16/4), di tơngkah 70 nam Ngai tam lơh pha lin Điện Biên Phủ, Mpồl kwang bàng bơh Cíñ phủ dê bơh Thủ tướng Cíñ phủ ồng Phạm Minh Chính lơh Kwang atbồ mpồl neh chu ñàng mờ lời 1 phuk kah kơlôi nàng kah ưn ngài huềng Đại tướng ồng Võ Nguyên Giáp mờ ală cau chơt màng neh khin cha jak chài tam lơh phi să, lơh gơs pha lin Điện Biên Phủ “tiơng pơn rơ làm gùt dunia, rơngô gùt plai ù”.

VOV4.K’Ho- Di dơ̆ kah ngai deh bơh Tổng Ƀí thư ồng Nguyễn Phú Trọng (14/4), tàm ală ngai do, uă kwang đơng lam bồ ală lơgar, ală Đảng cíñ trị neh pơyoa sră, điện gờm chờ Tổng Ƀí thư, tàm hơ̆ geh kwang đơng lam bồ ală lơgar, ală Đảng lơgar Lào, Lo, Cuba, Nga, Belarus, Dominicana.

VOV4.K’Ho- Mho òr (16/4), tàm Hìu Quôk hội, Củ tịc Quôk hội ồng Vương Đình huệ wă Phó Củ tịc dơ̆ 1 Quôk hội lơgar Hungary mò Márta Mátrai gam geh dơ̆ còp mờ lơh broă tàm lơgar Việt Nam.

VOV4.K'Ho- Kơnờm gờñ rcang ală broă lơh rcang lài, ală gùng che ồs đèng càr Dăk Lăk ai ngui pin dờn, gàr niam broă pờ đèng lơngăp lơngai sùm ai cau ngui in.

VOV4.K’Ho- Di dơ̆ tơngkah kir sơnrai 120 nam Ngai deh Tổng Ƀí thư ồng Trần Phú, drim ngai 16/04, ồng Nguyễn Xuân Thắng, Kwang bàng Ƀộ Cíñ trị, Củ tịc Mpồl duh broă Cribơyai jơnau tàm sră pơ àr Dà lơgar dê neh cuh ñàng tàm Tiah tềl lời wơl Tổng Ƀí thư ồng Trần Phú tàm xã Tùng Ảnh, kơnhoàl Đức Thọ, càr Hà Tĩnh.

VOV4.K’Ho- Drim ngai 16/04, tàm ƀòn dờng Buôn Ma Thuột, càr Dăk Lăk geh lơh pơrjum bơto pơlam, mblàng yal tơnguh uă jơnau gĭt wă bè sền gàr tiah nhàr lơgar mờ tiah ơm kis ai rlau 150 nă kwang bàng Mpồl, cau dờng sơnam tàm mpồl tàm ală càr tiah Tây Nguyên dê in.