VOV4.K'Ho- Mho òr (15/4), Phó Thủ tướng ồng Trần Lưu Quang neh geh dơ̆ tìp mat cribơyai mờ Phó Thủ tướng dơ̆ 1 mờ kung la Ƀộ trưởng Ngoại thương mờ Bơcri priă lơgar ndai lơgar Cuba ồng Ricardo Cabrisas.

VOV4.K’Ho- Dơ̆ rềs àr gơlik geh tŭ 1 jiơ nggùl àng drim gờñ ngai 16/04 mờ tài bơh rơndeh gơ srơng is tàm rƀòng yuh dà. Do là dơ̆ rềs àr gùng lòt dơ̆ 3 gơlik geh tàm 4 ngai do tàm ù tiah càr Kon Tum dê lơh 4 nă cau chơ̆t mờ 26 nă cau sồt să.

VOV4.K’Ho- Rơndăp broă lơh gùng rơndeh ntoăt jờl ù gờl Khánh Hoà – Buôn Ma Thuột, gam geh lơh mhar broă lơh tàm gùt gơl gùng. Ală mpồl cau dờp lơh gùng geh ai git nđờ rơhiang nă cau lơh broă bal mờ uă rơndeh pơn diang ù, lŭ, măi mok pa, lơh ngai kung bè mang.

VOV4.K’Ho- Mho òr (15/4), tàm càr Phú Thọ, Ƀan Tuyên giáo Dà lơgar pơgồp bal mờ Tổng kụk Cíñ trị Ling klàng Làng bol Việt Nam mờ Tỉñ ủy càr Phú Thọ bơyai lơh Dơ̆ tìp măt ală anih sră ƀăo, hìu lĭp sră, văn họk nghệ thuật tiah tàm gùl đah kơh bơnơm đah tô Dà lơgar.

VOV4.K’Ho- Càr Kon Tum geh rlau 500 thôn, ƀòn jơi bơtiàn dồ êt nă cau mìng kis uă tàm tiah sar, lơgar ngài. Tàm ală nam do, bơh bơta lơh krơh, lòt lài bơh mpồl Ƀí thư Ci bộ dê, broă bơ̆t bơtàu ƀòn lơgar pa tiah jơi bơtiàn dồ êt nă cau bơh càr Kon Tum dê geh uă tam gơl pa, rài kis mờ lơh broă lơh sa bơh làng bol dê tam gơl uă ngan.

VOV4.K'Ho- Drim òr (15/4), 20 nă cau gơtìp sồt să tàm dơ̆ rềs àr gùng lòt kơn jơ̆ tàm càr Kon Tum gơlik geh mho mang ngai 13 nhai 4 neh geh jun rê hờ ƀòn dờng Hồ Chí Minh lơngăp lơngai.

VOV4.K’Ho- Thủ tướng Cíñ phủ ồng Phạm Minh Chính pa geh dơ̆ lơh broă mờ Mpồl Lơh kơnòl broă sùm Tỉñ ủy càr Hoà Bình nàng sền sơ wì cồng nha lơh jat kơnòl broă bơtàu tơnguh lơh sa- mpồl bơtiàn tàm càr dê.

VOV4.K'Ho- Ủy ƀan Thường vụ Quôk hội sền swì Sră dan bè dan tam gơl gùng dà bơcri priă Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ êt nă cau mờ tiah kơh bơnơm tơngai bơh nam 2021- 2023.

VOV4.K’Ho- Drim òr (14/4), Thủ tướng Cíñ phủ ồng Phạm Minh Chính tus bal dơ̆ tơngkah kir sơnrai 50 nam Ngai bơhiàn yau mpồl Kảñ sát trờn làm bă tiah mờ wă rò Sră jờng rơ Cau ling khin cha jak chài làng bol.

VOV4.K'Ho- Mang òr (14/4), tàm Anih rơndeh ồs ơm Dà Làc, Tổng Kông ty gùng rơndeh ồs Việt Nam neh bơyai lơh tơlik mat ai lòt rơndeh ồs mang gơl Dà Làc – Trại Mát mờ mat sơnđan “Gùng lòt mang Dà Làc”.