VOV4.K'Ho- Càr Kon Tum geh rlau 292 kơi sồ gùng nhàr lơgar rềp mờ lơgar Lào, lơgar Campuchia. Mờ nùs nhơm “Pôs đồng là hìu, tiah nhàr dà lơgar là ƀòn tờm, làng bol ală jơi bơtiàn là oh mi pròc mhàm tờm”, mpồl ling sền gàr tiah nhàr dà lơgar càr Kon Tum neh geh uă broă lơh ngan ngồn, sơlơ tơrbŏ kơ̆ nùs nhơm đềt mềr đah ling klàng làng bol tiah nhàr dà lơgar. Bơh bơta lòt bal, dong kờl bơh kwang bàng, cau ling sền gàr tiah nhàr dà lơgar dê, rài kis làng bol tiah nhàr dà lơgar dê tàm càr Kon Tum gam ngai sơlơ tam gơl niam, mpồl rơcang gàr tàm làng bol sơlơ kơ̆ kơljap rlau tai.

VOV4.K'Ho - Di dơ̆ tus bal Pơrjum kwang bàng kâp dờng kuơmàng tơngkah kir sơnrai 50 nam git gơp đah mpồl ASEAN mờ lơgar Australia, còp ngan ngồn lơgar Australia, tàm ƀòn dờng Melbourne, Thủ tướng Cíñ phủ Phạm Minh Chính neh tus bal dơ̆ tơngkah 30 nam gùng par tơn đah Việt Nam – Australia mờ tơngai Vietnam Airlines pơndiang 6 tơlak dơ̆ nac tàm gùng par Việt Nam – Australia.

VOV4.K’Ho- Mho òr (05/03), tàm Hìu Quốk hội, Ƀí thư Đảng đoàn Quốk hội, Củ tịc Quốk hội Vương Đình Huệ đơng lam dơ̆ lơh broă đah Đảng đoàn Quốk hội mờ Mpồl lơh kơnòl broă sùm Thàñ ủy ƀòn dờng Hà Nội bè Adăt Càr lơgar (tam gơl); Rơndăp ù tiah Càr lơgar Hà Nội tơngai bơh nam 2021 tus 2030, wèt tus nam 2050 mờ Rơndăp broă lơh wơl rơndăp ù tiah bal Càr lơgar Hà Nội tus nam 2045, wèt tus nam 2065.

VOV4.K’Ho- Mho òr (05/03), jăt jơ tàm tiah do, tàm ƀòn dờng Melbourne, Thủ tướng Phạm Minh Chính tus bal dơ̆ wă rò mùl màl ală Kwang lam bồ mpồl kwang bàng tus Pơrjum geh Thủ tướng lơgar Australia Anthony Albanese đơng lam.

VOV4.K’Ho- Drim ngai 05/03, jăt jiơ tiah do dê, Thủ tướng Phạm Minh Chính tus bal Cribơyai Mpồl lơh sa kă bro đah Việt Nam mờ Australia.

VOV4.K’Ho- Bơh ngai 04- 06/03, Ƀảo tàng Cau ùr Việt Nam pơgồp bal mờ Mpồl Tam klăc Cau ùr Việt Nam mờ Mpồl tam klăc Cau ùr càr Điện Biên bơyai lơh Ràng tơlik rùp “Cau ùr mờ Điện Biên” mờ lam lơh pơrlòng tàm internet “Jòi gĭt 70 nam Tam lơh pha lin Điện Biên Phủ”.

VOV4.K’Ho- Drim òr (05/03), tàm broă lơh dơ̆ lòt còp ngan ngồn lơgar Australia, Thủ tướng Cíñ phủ Phạm Minh Chính neh tus bal dơ̆ koh biài sơnđờm mut ngui Viện Cíñ sác Australia mờ Việt Nam tàm Hìu bơsram Đại họk RMIT, ƀòn dờng Melbourne, ƀang Victoria.

VOV4.K’Ho- Pơn jat tai lòt lơh broă ală càr tàm tiah jat kềng gah dà lềng đah Jum tàm gùl Dà lơgar, tàm ngai 04/03, Củ tịc Quôk hội Vương Đình Huệ neh lơh broă mờ Tỉñ ủy càr Bình Định.

VOV4.K’Ho- Mho òr (04/03), tàm Hìu lơh broă Mpồl lơh broă mờ lơgar ndai Dà lơgar Lê Hoài Trung, Ƀí thư Đảng Dà lơgar, Kwang atbồ Mpồl lơh broă mờ lơgar ndai Dà lơgar, neh wă rò Thứ trưởng dơ̆ 1 Ƀộ Ngoại giao lơgar Nga Vladimir Titov gam geh dơ̆ còp lơgar Việt Nam neh lơh dơ̆ cribơyai kwơ màng cribơyai broă mờ lơgar ndai- sền gàr Dà lơgar- lơngăp lơngai đah Việt Nam mờ Nga dơ̆ 13.

VOV4.K’Ho- Drim òr (04/03), dờp gơnoar bơh Ƀộ Kwang àng, Kwang àng càr Dăk Nông bơyai lơh dơ̆ jờng rơ bơh Ƀộ Kwang àng ai ală mpồl lơh geh cồng nha jak ngan tàm broă tam dră wơl mờ cau lơh tìs, gàr niam lơngăp lơngai, rơndăp tăp sèng tàm tiah do dê.