VOV4.K’Ho- Phó Thủ tướng Cíñ phủ Trần Hồng Hà pa lòt sền tŭ tơngai mut lơh broă lơh gùng rơndeh lòt mhar Diễn Châu- Bãi Vọt (gơl bơh càr Nghệ An tus Hà Tĩnh) mờ gùng che ồs đèng 500 kV Quảng Trạch – Quỳnh Lưu (bơh Quảng Bình tus Nghệ An).

VOV4.K’Ho- Drim ngai 19/02, tàm Hìu duh broă Củ tịc, Phó Củ tịc lơgar Võ Thị Ánh Xuân neh wă rò Đại sứ lơgar Hàn Quôk tàm lơgar Việt Nam Choi Young Sam.

VOV4.K’Ho- Ngai 19/02, Đại tướng Tô Lâm, Ƀộ trưởng Ƀộ Kwang àng neh lơh broă mờ Mpồl Lơh kơnòl broă sùm Tỉñ ủy càr Ninh Bình.

VOV4.K’Ho- Ngai 19/02, Hội đồng Ñân zân càr Gia Lai khoă XII neh pồ ồng Nguyễn Tuấn Anh, lài do là Kwang ătbồ Vụ Lơh sa mờ măy mok gơ wèt Ủy ƀan Ătbồ priă dà lơgar tàm mpồl lơh sa kă bro ăt gơnoar broă Phó Củ tịc Ủy ƀan Ñân zân càr Gia Lai.

VOV4.K’Ho- Mho òr (19/02), tàm ƀòn dờng Buôn Ma Thuột, càr Dăk Lăk, ala mat kwang đơng lam bồ Anih jơnau đơs Việt Nam bơyai lơh dơ̆ jàu Kơrnoăt bơh Kwang atbồ dờng Anih jơnau đơs Việt Nam Đỗ Tiến Sỹ bè broă ntrờn, pồ kwang bàng Anih jơnau đơs Việt Nam tàm tiah Tây Nguyên.

VOV4.K’Ho- Rơndăp broă lơh gùng rơndeh lòt mhar Buôn Ma Thuột - Khánh Hòa lòt gan kơnhoàl Krông Pác, càr Dăk Lăk geh bơta jòng 33 kơi sồ, kờp jơh bă ù ai ù là 255 lồ bơh rlau 2 rơbô hìu bơnhă làng bol. Kơnờm bơta dùl nùs bal uă ngan bơh ală rơnàng làng bol, ngan là ală đảng viên, den broă lơh ai ù geh lơh sir gờñ ngan rlau jơh pơndrờm mờ ală tiah ndai tàm càr Dăk Lăk dê.

VOV4.K’Ho- Ngai òr (18/02), Củ tịc lơgar Võ Văn Thưởng tus còp, pơn dờm pơnđiang mờ pà phan cau lơh phan gam lơh rơndăp broă lơh gùng Jăt gah 4-Càr lơgar Hà Nội di nam pa Giáp Thìn 2024.

VOV4.K'Ho - Ngai 18/02, Củ tịc lơgar Võ Văn Thưởng bal mờ Mpồl kwang bàng dà lơgar neh tus bal dơ̆ cih jơnau sơn rờp bồ nam pa tàm Tiah kah kơlôi cau khin cha jak chài jơi bơtiàn, Cau niam chài tiơng pơn rơ dunia Nguyễn Trãi tàm xã Nhị Khê, kơnhoàl Thường Tín, ƀòn dờng Hà Nội.

VOV4.K’Ho- Uă kỹ sư, cau lơh broă gam lơh broă tàm Rơndăp broă lơh gùng rơndeh ntoăt jờl Khánh Hoà – Buôn Ma Thuột, neh lơh broă sùm tàm ală ngai Satềp tàm tiah lơh broă nàng gàr di mờ tơngai geh ai lơh rơndăp broă. Tơnơ̆ mờ ală ngai ơm rơlô satềp, nùs nhơm pràn lik lơh broă bồ nam pa sơlơ gal rơlao.

VOV4.K’Ho- Ngai òr (16/02), Thủ tướng Phạm Minh Chính neh đơng lam ală Ƀộ, ngàñ, ală tiah, mpồl lơh broă kràñ cê jơh nùs lơh ală broă lơh lơh mhar tŭ tơngai lơh ală broă lơh bơt bơtàu, rơndăp broă lơh kwơ màng Dà lơgar, broă lơh tờm gah gùng lòt jun pơndiang phan.