VOV4.K’Ho- Tàm 2 ngai bơh ngai 06 tus ngai 07 nhai 02 (hơ̆ là bơh ngai 27 tus ngai 28 Satềp), Kụk prăp gàr Dà lơgar tiah đah jum Tây Nguyên pơgồp bal mờ Sở Lao động-Thương ƀiñ mờ Xã hội càr Dăk Lăk lơh jăt broă pà phe sa ai ală hìu gơtìp kal ke tàm càr do in nàng dong kờl phan sa dong klàs jơgloh tàm Satềp nam 2024.

VOV4.K’Ho- Di dơ̆ sa tềp Giáp Thìn 2024, drim òr (06/02), Phó Củ tịc Quôk hội Nguyễn Đức Hải bal mờ Mpồl lơh broă neh tus chu ñàng tàm Tiah lời kir sơnrai Củ tịc Hội đồng Dà lơgar lài do Võ Chí Công; lùp còp, nting bơr gờm chờ sa tềp mờ pà phan ai bàr pe hìu bơnhă geh dà kơl hề mờ Dà lơgar in tàm ù tiah càr Quảng Nam.

VOV4.K'Ho - Drim ngai 05/02, Thủ tướng Cíñ phủ Phạm Minh Chính đơng lam Pơrjum lơh broă mờ Ủy ƀan atbồ priă bơcri dà lơgar tàm mpồl lơh sa kă bro mờ 19 tập đoàn, tổng kông ty gơ wèt bè lam lơh broă lơh sa, kă bro nam 2024 mờ sơlơ tơnguh tai bơcri priă bơtàu tơnguh lơh sa- mpồl bơtiàn.

VOV4.K'Ho - Uă cau chài, cau lơh phan, cau lơh broă gam lơh broă tàm Rơndap broă lơh gùng rơndeh ntoat mhar Khánh Hòa – Buôn Ma Thuột rơp lơh broă tàm jơh gùt ală ngai sa tềp tơn tàm tiah lơh broă nàng gàr lơh di tŭ tơngai hơ pơrgon lam lơh rơndap broă.

VOV4.K’Ho- Mho ngai 05/02, Thủ tướng Cíñ phủ Phạm Minh Chính neh lòt còp Kụk Kảñ sát Gùng lòt gơ wèt Ƀộ Kwang àng mờ nting bơr sa tềp, pơndờm pơnđiang kwang bàng, cau ling mpồl Kảñ sát gùng lòt tàm jơh gùt lơgar.

VOV4.K’Ho- Tỉñ đoàn càr Dăk Lăk pơgồp bal mờ mpồl dong kờl pà gĭt nđờ rhiang bơnah phan pà ai cau rƀah in tàm ƀòn dờng Buôn Ma Thuột.

VOV4.K’Ho- Xã Phước Bình, kơnhoàl Bác Ái, càr Ninh Thuận là xã geh uă jơnau tơl pràn nàng bơtàu tơnguh lòt nhơl ƀòn brê bơnơm, pơgồp bal niam chài mpồl bơtiàn. Bulah bè hơ̆, broă lam lơh jăt gam uă bơta ờ hềt dipal, ngan là broă sàng goh tiah ơm kis, bồ tơngoh kơlôi sơnơng lơh sa...Nàng bơsong ală jơnau kơryan, tơngai lài, ală đảng viên kòn cau Rơglai tàm xã Phước Bình neh tơnguh uă gơnoar broă he dê tàm broă hòi jà làng bol tam gơl bồ tơngoh kơlôi sơnơng, broă lơh, bal mờ xã tus bal bơ̆t bơtàu broă lơh “Lòt nhơl ƀòn brê bơnơm mờ niam chài mpồl bơtiàn”.

VOV4.K’Ho- Drim òr (05/02), tàm Hà Nội, Củ tịc lơgar Võ Văn Thưởng tus còp, lòt sền broă lơh rcang lài lơh broă, rcang lài tam lơh mờ nting bơr gờm sa tềp Kwang bàng, cau ling Ƀộ Tư lệñ kảñ sát Cơ động di dơ̆ wă rò nam pa Giáp Thìn 2024.

VOV4.K’Ho- Nam pa tàm Trường Sa digơlan krơi is rlau mờ khat dùl tiah lơi tàm Dà lơgar Việt Nam dê. Sa tềp bơtòm tơrgùm, là hìu bơnhă bơtòm tơrgùm bal... mơya gơwèt mờ cau ling dà lềng, sa tềp là tŭ kah cau tàm hìu bơnhă gơ hòr dà măt bơh cau ling pa dê, là măt sền kờñ gơboh ngan bơh bi sỹ quan dê tŭ sền rùp hìn hìu bơnhă ơn tàm bồ jơnờng bĭc. Mờ rlau jơh, sa tềp mờ cau ling tiah bồt ngài là bơta chờ hờp, bơta pơnyờ să tŭ ià kơ̆ ngkơr phàu sền gàr lơngăp lơngai ai tiah dà lềng, tiah kơlwàng trồ Dà lơgar dê, ai bơta wil tơl bơh nam pa tiah ƀòn lơgar in.

VOV4.K’Ho- Di Satềp nam pa Giáp Thìn 2024, jăt bơhiàn jơi bơtiàn dê, Củ tịc lơgar Võ Văn Thưởng neh tus chu nàng, kah tus ală kwang đơng lam Đảng, Dà lơgar neh chơ̆t mờ còp ờ uă kwang đơng lam Đảng, Dà lơgar lài do gam kis tàm ƀòn dờng Hà Nội.