VOV4.K’Ho- Tàm nùs nhơm chờ hờp rcang wă rò nam pa Giáp Thìn 2024, poh lài, Đoàn Ơruh pơnu Kộng sản Hồ Chí Minh Dà lơgar pơgồp bal mờ Tỉñ đoàn càr Gia Lai mờ Tỉñ đoàn càr Kon Tum bơyai lơh broă lơh “Sa tềp tam pà bal, nam Đăng grài bơtàu tơnguh” mờ broă lơh “Nam pa tiah nhàr lơgar- Sa tềp bồt bơlào dà lềng”. Ală bơnah phan pà tơngŏ nùs nhơm, geh kơnòl bơh rnàng kơnòm să dê wèt rê mờ làng bol, cau ling tàm tiah nhàr lơgar đah Tô Tây Nguyên.

VOV4.K’Ho- Ngai òr (28/01), Phó Thủ tướng Cíñ phủ Lê Minh Khái bal mờ mpồl lơh broă neh tus còp mờ pà phan sa tềp ai ală hìu bơnhă rƀah, hìu bơnhă geh dà kơl hề mờ dà lơgar tàm kơnhoàl Nậm Pồ mờ Mường Chà, càr Điện Biên.

VOV4.K'Ho- Mho òr (28/01), Thủ tướng Phạm Minh Chính neh lòt còp, pà phan hìu bơnhă geh sră dong kờl bơh dà lơgar, hìu bơnhă rƀah, cau lơh phan, cau lơh broă tàm tiah lơh sa mờ măi mok Hoàng Long, ƀòn dờng Thanh Hóa.

VOV4.K'Ho- Drim òr (28/01), ồng Y Thanh Hà Niê Kđăm, Kwang geh jơng tàm Ƀan Cấp hàñ Đảng dà lơgar, Củ tịc Mpồl duh broă Jơi bơtiàn bơh Quôk hội dê neh lòt còp, pà phan sa tềp 2, 3 anih lơh broă, mpồl lơh broă tàm càr Dăk Lăk.

VOV4.K’Ho- Mìng gam 2 poh tai là tus Sa tềp nam Giáp Thìn, mơya nùs nhơm blơi phan Satềp tàm càr Dăk lăk kung gam ngềt ngơ̆t ngan. Cau kă bro mờ ală cau ai phan kă bro gam kơ̆p tàm bơta pràn blơi bơh làng bol dê tàm poh geh uă cau blơi phan lài mờ Satềp.

VOV4.K’Ho- Pơn jat tai broă lơh lòt còp, nting bơr gờm chờ sa tềp Dà lơgar Giáp Thìn 2024, drim ngai 26/01, bơh ƀòn dờng Vũng Tàu, Củ tịc lơgar Võ Văn Thưởng mờ mpồl lơh broă neh lòt mờ rơndeh par duck tus Dra khuàng tờm bơh Kông ty Kă bro bal đơng pơlam Cửu Long (hòi lơyah là Cửu Long JOC), còp, pơndờm pơnđiang, gờm chờ sa tềp, lơh broă mờ kwang bàng, kỹ sư gam lơh broă tàm Dra khuàng, ală cau ala mat ai 60 rơbô nă kwang bàng, cau lơh broă gah nhơm zờu.

VOV4.K'Ho - Mho ngai 26/01, Củ tịc Quôk hội Vương Đình Huệ lơh broă mờ Lơh kơnòl broă sùm Tỉñ ủy càr Gia Lai.

VOV4.K’Ho- Mho ngai 26/01, tàm ƀòn dờng Buôn Ma Thuột, Ủy ƀan Ñân zân càr Dăk Lăk bơyai lơh pơrjum sền wơl 5 nam lơh jat “Ngai jơh gùt làng bol sền gàr tiah nhàr lơgar” mờ jờng rơ 56 mpồl cau, cau dùl nă să geh cồng nha jak ngan tàm broă bơt bơtàu tiah nhàr lơgar kơ̆ kơl jăp, pràn kơl dang, tơngai bơh nam 2019-2024.

VOV4.K’Ho- Drim òr (26/01), tàm ƀòn dờng Hồ Chí Minh, Củ tịc Quốk hội Vương Đình Huệ neh tus còp, chờ gờm Sa tềp hìu nhă mờ chu nàng kah kơlôi tus Củ tịc Quốk hội lài do Nguyễn Hữu Thọ.

VOV4.K'Ho - Sền gròi sa tềp ai ơruh pơnu cau lơh phan, cau lơh broă mờ làng bol jơi bơtiàn dồ êt nă cau rƀah, Đoàn Ơruh pơnu Kộng sản Hồ Chí Minh Dà lơgar pơgồp bal mờ Tỉñ đoàn càr Kon Tum bơyai lơh Broă lơh “Nam pa tiah nhàr dà lơgar – Sa tềp bồt bơlàu” di sa tềp nam Giáp Thìn 2024 tàm 2 kơnhoàl tiah nhàr dà lơgar là Ia H’Drai mờ Sa Thầy.