VOV4.K'Ho - Drim ngai 26/01, Thủ tướng Phạm Minh Chính còp, sền sơ wì broă lơh rơcang lài tam lơh, nting bơr sa tềp kwang bàng, cau ling Tổng kụk II, Ƀộ Quôk phòng.

VOV4.K'Ho - Mpồl ling sền gàr tiah nhàr dà lơgar càr Gia Lai neh rơcang lài ală broă rơndap lơh lòt sền, gròi sền, gàr niam lơngăp lơngai jat kềng tiah nhàr dà lơgar mờ lơgar ndai tàm dơ̆ sa tềp dà lơgar.

VOV4.K’Ho- Mho ngai 25/01, Củ tịc Quôk hội Vương Đình Huệ neh lòt còp mờ pà phan sa tềp ai ală hìu bơnhă cíñ săc, cau geh màng mờ dà lơgar, hìu bơnhă rƀah, cau gơtìp sơnơm khih dioxin lơh aniai, cau lơh phan, cau lơh broă geh rài kis kal ke tàm ù tiah càr Bạc Liêu; còp mờ nting bơr gờm chờ sa tềp ală mpồl phàu crong bơh càr Bạc Liêu dê in.

VOV4.K’Ho- Ngai 25/01, mò Võ Thị Ánh Xuân, Phó Củ tịc lơgar neh lòt còp mờ pà phan ai hìu bơnhă cíñ săc, hìu làng bol rƀah mờ cau lơh phan cau lơh broă geh rài kis kal ke tàm càr Bến Tre in.

VOV4.K'Ho - Di sa tềp dà lơgar nam Giáp Thìn 2024, drim ngai 25/01, Phó Củ tịc Quôk hội Nguyễn Đức Hải neh còp mờ nting bơr sa tềp Gah jat yàng Phờk Việt Nam.

VOV4.K'Ho - Di sa tềp dà lơgar nam Giáp Thìn 2024, tàm Hìu lơh broă Cíñ phủ, Thủ tướng Cíñ phủ Phạm Minh Chính mờ Pơ ùr neh đơng lam dơ̆ tìp mat, yờ sa Mpồl kwang bàng cribơyai broă mờ lơgar ndai tàm lơgar Việt Nam.

VOV4.K’Ho- Hìu Ràng tơlik Hoàng Sa, ƀòn dờng Đà Nẵng là ù tiah kah yau, tiah tus gơ kờñ ngan gơwèt mờ làng bol mờ năc lòt nhơl dê. Gĭt nđờ rơhiang rùp hin, sră nggal, phan bơna ràng tơlik tàm do là cơng tàng đơs nền gơnoar tờm bơh lơgar Việt Nam dê gơwèt mờ 2 bồt dờng Hoàng Sa mờ Trường Sa.

VOV4.K'Ho - Klo ngai, ngai 24/01, Củ tịc Ủy ƀan Ñân zân ƀòn dờng Hồ Chí Minh ồng Phan Văn Mãi tìp mat Kwang atbồ lơgar Kộng hòa Liên ƀang Đức Frank-Walter Steinmeier di dơ̆ lòt còp mờ lơh broă bơh Kwang atbồ lơgar mờ Pơ ùr dê tàm ƀòn dờng.

VOV4.K’Ho- Mho ngai 24/01, Kwang atbồ lơgar Đức Frank-Walter Steinmeier bal mờ mpồl kwang bàng tus còp Hìu bơsram Đại họk Việt- Đức tàm càr Bình Dương.

VOV4.K'Ho - Mho ngai 24/01, Mpồl kwang bàng bơh dà lơgar dê bơh mò Bùi Thị Minh Hoài, Ƀí thư Đảng dà lơgar, Kwang atbồ Ƀan Zân vận dà lơgar lơh kwang atbồ mpồl neh lòt còp mờ pà phan cau lơh phan, cau lơh broă tàm càr Dăk Lăk di sa tềp dà lơgar Giáp Thìn 2024.