VOV4.K’Ho- Mho òr (04/02), Thủ tướng Cíñ phủ Phạm Minh Chính neh còp, nting bơr gờm chờ sa tềp, pà phan pơndờm pơnđiang ală mpồl drơng lơh kơnòl broă tàm tơngai sa tềp Dà lơgar tàm ƀòn dờng Cần Thơ.

VOV4.K’Ho- Mờ bơta pràn bè ù tiah, trồ tiah, bơta niam chài, càr Dăk Lăk gam geh uă bơta pràn tàm broă ngui bơta pràn is, hòi jà bơcri priă, rơhời bơtàu tơnguh mhar kơl jăp. Kwơ màng mờ Rơndăp ù tiah càr Dăk Lăk tơngai bơh nam 2021 tus 2030, wèt tus nam 2050 pa geh Thủ tướng Cíñ phủ kĭ tàm Kơrnoăt sồ 1747 nam 2023, geh là bơta niam adăt boh lam kwơ màng nàng càr ai geh ală gùng dà bơtàu tơnguh lơh sa mpồl bơtiàn, hòi jà bơcri priă, lơh geh bơta pràn, lơh gơtùi jơnau kơ̆p kờñ ai lơh sa càr Dăk Lăk tàm mpồl 25 càr lam lài gùt lơgar tàm nam 2050.

VOV4.K’Ho- Mang ngai 02/02, tàm Hìu pơrjum Thống Nhất, ƀòn dờng Hồ Chí Minh, geh bơyai lơh broă lơh Tìp mat lơh kwèng đơs crih tam ya kwơ màng Nam pa ƀòn lơgar 2024, dùl bơta tờm niam chài mờ đơs crih tam ya tàm nùs nhơm mpồl bơtiàn dê cau kis tàm lơgar ndai mờ làng bol ƀòn dờng Hồ Chí Minh dê.

VOV4.K’Ho- Mho ngai 02/02, tàm ƀòn dờng Kon Tum, Mpồl lơh kơnòl broă sùm Tỉñ ủy càr Kon Tum bơyai lơh tìp mat 155 nă cau geh bồ tơngoh gĭt wă, văn nghệ sỹ, cau lơh ƀăo pơn rơ jak bồ nam pa Giáp Thìn 2024.

VOV4.K'Ho - Di tơngkah kir sơnrai 94 nam Ngai crơng gơs Đảng Kộng sản Việt Nam (03/02/1930 – 03/02/2024), drim ngai 02/02, tàm càr lơgar Phnom Penh, Đảng ƀộ tàm lơgar Campuchia neh yŭ rơyùm bơyai lơh Dơ̆ chu ñàng kah kơlôi Củ tịc Hồ Chí Minh mờ bơta tus bal bơh gal ngan ală kwang bàng, đảng viên dê.

VOV4.K’Ho- Di Satềp nam pa Giáp Thìn, Tơnkah 94 nam ngai crơng gơs Đảng Kộng sản Việt Nam, ngai òr (02/02), Củ tịc Quốk hội Vương Đình Huệ neh còp mờ chờ gờm Satềp kwang bàng, cau ling sền gàr tiah nhàr dà lơgar.

VOV4.K'Ho - Ngai 02/02, lài mờ sa tềp dà lơgar nam Giáp Thìn 2024, Củ tịc lơgar Võ Văn Thưởng neh lòt còp, sền sơ wì broă rơcang lài tam lơh bơh Kwang àng ƀòn dờng Hồ Chí Minh dê; còp, nting bơr sa tềp 2, 3 nă cau chài, cau geh bồ tơngoh bơsram sră geh bơngă pin dờn, geh pơn rơ jak tàm ƀòn dờng.

VOV4.K'Ho - Đơs tàm dơ̆ jàu khà jờng Mut mơ̆ rơmit dơ̆ VIII, Thủ tướng Phạm Minh Chính đơs nền, pal sền gròi uă mờ sơlơ tơnguh rlau tai broă lơh bơt bơtàu, lơh niam wơl Đảng tơl làm.

VOV4.K'Ho - Tơl nă cau bơsram dờng, đoàn viên ơruh pơnu rơp là dùl “đại sứ” lơh gơ rề uă ală bơta kuơ niam chài bơh yau mờ bơta niam chài krơi is jơi bơtiàn dê tus mờ gơp bơyô tàm lơgar mờ lơgar ndai. Do là bơta kơp kờñ bơh kwang đơng lam bồ ƀòn dờng Buôn Ma Thuột, càr Dăk Lăk dê tàm broă lơh tìp mat, jờng rơ cau bơsram dờng, ơruh pơnu jơi bơtiàn dồ êt nă cau mờ jat yàng geh pơn rơ jak nam 2024.

VOV4.K’Ho- Mho ngai 01/02, Đảng ủy Anih lơh broă Ƀan Tuyên Giáo Dà lơgar bơyai lơh Pơrjum tìp mat tơngkah kir sơnrai 94 nam Ngai tơlik mat Đảng Kộng sản Việt Nam mờ dơ̆ jàu Gai lòng Đảng.