VOV4.K’Ho- Drim òr (12/08), tàm Hìu lơh broă Quôk hội, bơh bơta đơng lam bơh Củ tịc Quôk hội ồng Trần Thanh Mẫn, Anih duh broă Lơh kơnòl broă sùm Quôk hội bơyai lơh pơrjum mìng dùl tơngume adat boh lam nhai 08, tă pơgồp jơnau đơs tàm 10 jơnau rcang cih adat.

VOV4.K'Ho- Tàm ƀòn dờng Hồ Chí Minh, Thủ tướng Cíñ phủ ồng Phạm Minh Chính, Củ tịc Mpồl duh broă đơng lam pơgồp bal tiah đah jum mat tơngai lik dà lơgar (hòi lơyah là Mpồl duh broă) neh đơng lam pơrjum dơ̆ 4 bơh Mpồl duh broă dê nàng kờp sền broă lam lơh jat ală tơngume geh ai tơlik tàm pơrjum dơ̆ 3 mờ lam lơh Rơndap ù tiah tiah đah jum mat tơngai lik dà lơgar tơngai bơh nam 2021 tus nam 2030, broă rơndap lơh tus nam 2050.

VOV4.K'Ho- Ngai òr (11/08), di dơ̆ lòt lơh broă tàm lơgar Nga, Đại tướng ồng Phan Văn Giang, Ƀộ trưởng Ƀộ Ling klàng mờ Mpồl cau ala mat Ƀộ Ling klàng Việt Nam neh tus ơn guàng bơkàu tàm Rùp mòn Củ tịc Hồ Chí Minh tàm càr lơgar Moscow, còp Anih lơh broă ala mat lơgar Việt Nam tàm lơgar Nga.

VOV4.K’Ho- Tàm kàl mìu dà tih dà cò, git nđờ jơ̆t hìu làng bol kis tàm xã Quảng Sơn, kơnhoàl Dăk Glong, càr Dăk Nông gam kis tàm nùs nhơm kơlôi rơcang ngan tŭ broă lơh bơtơ̆t rơbòng dà Dăk Nting hờ đah tô di gơlan gơtìp tơrlah ờ git tŭ lơi. Broă lơh do gơtìp gơmù ù, rơdàng bơh kàl mìu nam lài, mơya lơyài tàm broă lơh wơl den tàng ngai sơlơ gơtìp ờ niam uă mờ di gơlan gơtìp tơrlah bơtơ̆t sùm gơlik geh, pơhìn tus mờ màng kis bal mờ phan bơna làng bol dê.

VOV4.K'Ho - Mho ngai 09/8, Tổng Ƀí thư, Củ tịc lơgar ồng Tô Lâm lam bồ Mpồl lơh broă dà lơgar lòt còp mờ đơng lam dơ̆ lơh broă mờ Mpồl lơh kơnòl broă sùm Thàñ ủy Hà Nội.

VOV4.K'Ho - Mờ jơnau kờñ dờp mhar jơnau yal nàng jòi broă lơh tă bơsong kal ke ai mpồl lơh sa kă bro in, mho ngai 09/8, kwang đơng lam bồ càr Kon Tum neh geh dơ̆ lơh broă mờ ala mat uă mpồl lơh sa kă bro gam lơh sa, kă bro tàm càr.

VOV4.K'Ho - Gơ rềng tus broă git nđờ rbô nơm kơnrồ dà toh gơtìp kòp mờ chơt nisơna, mho ngai 09/8, Anih duh broă làng bol càr Lâm Đồng geh sră nggal pơyua jal mhar sồr Sở Broă lơh sa mờ Bơtàu tơnguh ƀòn lơgar, Anih duh broă làng bol ală kơnhoàl, ƀòn dờng tàm càr hòi jà kwang bàng lơh sơnơm phan ròng rê tus ală kơnhoàl geh kòp, tơrgùm lam lơh ală broă lơh rơcang lài kơryan kòp jê ndul gơ jroh tàm mpồl kơnrồ dà toh.

VOV4.K’Ho- Drim òr (09/08), Mpồl cau ùr Việt Nam pơgồp bal mờ mpồl cau ùr càr Dăk Lăk bơyai lơh broă mblàng yal bè rơcang tam dră pù pờng hìu nhă tàm tiah làng bol jơi bơtiàn ờ gal cau tàm ală kơnhoàl Ea Súp mờ Krông Păc.

VOV4.K’Ho- Ngai òr (09/08), mò Võ Thị Ánh Xuân, Kwang geh jơng tàm Mpồl duh broă Đảng Dà lơgar, Phó Củ tịc lơgar neh lòt sền broă tơmù hoàc huơr bơh dơ̆ dà cò mờ tơrlah ù tàm càr Sơn La.

VOV4.K'Ho - Tàm ală gùng rơndeh dờng 14, 14C, gùng rơndeh dờng 28 lòt gan càr Dăk Nông mờ 2, 3 gơl gùng càr, gah gùng lòt neh đal git geh 18 anih gơlik geh uă dơ̆ rềs àr gùng lòt, lơh roh bơta lơngăp lơngai lòt rê tàm gùng. Tàm ală anih do neh gơlik geh uă dơ̆ rềs àr gùng lòt kơn jơ̆, lơh uă cau chơt jê. Rềp ndo ngan rlau jơh là dơ̆ rơndeh bồ dŏ tơm tàm hìu làng bol tàm tiah drà 312 xã Dăk Rla, kơnhoàl Dăk Mil, lơh 3 nă cau chơt, 1 nă cau gơtìp sồt să. Anih lơh broă geh gơnoar càr Dăk Nông gam jal mhar lam lơh ală broă lơh nàng kờñ gàr niam lơngap lơngai lòt rê tàm gùng.