VOV4.K’Ho- Brê Dà lơgar Tào Dùng tàm càr Dăk Nông ờ mìng tiơng pơnrơ bal mờ tơnau dà Tào Dùng, geh pơnyơu bè pòt dà lềng Hạ Long bơh Tây Nguyên dê mờ gam là tiah prăp gàr uă phan kis kwơmàng bơh tiah đah jum bơnơm Trường Sơn dê. Tiah brê geh bơta ngui is ồn do geh uă bơta phan kis chi che kwơ ờ huan geh, là dùl tàm puan tiah sềm kwơmàng ờ huan geh bơh lơgar Việt Nam dê bal mờ 222 bơta sềm kwơmàng ờ huan geh tàm gùt dunia. Broă gơhòi gơ jà làng bol tàm ală ƀòn tus bal broă lơh sền gàr brê tàm do geh sền gròi ngan mờ cèng wơl cồng nha niam ngan.

VOV4.K’Ho- Sơr lèt gan kal kè krơi is broă lơh, uă cau ùr tàm ală mpồl phàu crong càr Dăk Lăk neh lơh sir jak ngan kơnòl broă geh jàu, kung bè lơh tơl kơnòl broă bơh cau mè, cau pơ ùr gơwèt mờ hìu bơnhă. Khi là “ală bơkào niam ngan” tàm suơn tàm pơrlòng lơh tus geh bơh ală mpồl phàu crong càr Dăk Lăk dê.

VOV4.K'Ho - Tàm ală ngai do, kwang đơng lam bồ ală Đảng, ală lơgar pơn jat tai pơyua sră, pơyua jơnau nting bơr gờm chờ ồng Tô Lâm di dơ̆ ồng geh Mpồl duh broă Đảng Kộng sản dà lơgar Việt Nam pồ at gơnoar broă Tổng Ƀí thư.

VOV4.K’Ho- Mho ngai 7/08, Mpồl lơh broă bơh Ƀộ Lơh sa mờ măi mok mờ kă bro phan mờ lơgar ndai bơh Ƀộ trưởng ồng Nguyễn Hồng Diên lơh kwang atbồ mpồl neh lơh broă mờ kwang đơng lam bồ càr Kon Tum bè bơta lơh sa mờ măi mok mờ broă lơh kă bro; bơta lam lơh jat rơndăp ù tiah gah dà lơgar tàm gah năng lượng, phan tàm ù tiah.

VOV4.K’Ho- Di dơ̆ Ƀộ trưởng Cribơyai broă mờ lơgar ndai ồng Bùi Thanh Sơn còp ngan ngồn lơgar Nhờk mờ đơng lam bal pơrjum dơ̆ 12 bơh Anih duh broă Lơh broă bal Việt Nam mờ Nhờk, Ƀộ Cribơyai broă mờ lơgar ndai 2 lơgar geh Yal jơnau yal sră ƀăo bal.

VOV4.K’Ho- Mho ngai 7/08, Thủ tướng Cíñ phủ ồng Phạm Minh Chính, Kwang atbồ Mpồl Sồr lơh kờp sền, bơsong kòl yan tàm ală jơnau cih adat boh lam dê (Mpồl Sồr lơh) đơng lam pơrjum dơ̆ 2 bơh Mpồl Sồr lơh dê.

VOV4.K’Ho- Drim ngai 7/08, tàm Hà Nội, Kwang bàng Ƀộ Cíñ trị, Ƀí thư Đảng Dà lơgar, Kwang atbồ Ƀan Tuyên giáo Dà lơgar ồng Nguyễn Trọng Nghĩa wă rò Kwang ătbồ Anih lơh broă ala mat lơgar Mỹ tàm lơgar Việt Nam ồng Marc Knapper.

VOV4.K’Ho- Drim ngai 7/08, Đảng ủy- Gah đơng lam ling klàng càr Dăk Lăk neh bơyai lơh Pơrjum dờng tàm pơrlòng lơh tus geh bơh mpồl phàu crong dê tơngai bơh nam 2019-2024, cau ala mat jak ngan ala mat ai ală mpồl cau, cau dồ nă să pơn rơ jak, jak ngan tàm ală gah.

VOV4.K’Ho- Nàng tơrmù ƀà rềs àr dà bŭ tàm kơnòm dềt, tàm 2 ngai do (ngai 6 mờ ngai 7 nhai 08) tàm ƀòn dờng Kon Tum, Sở Niam chài, Tàp pràn să jan mờ Lòt nhơl càr Kon Tum bơyai lơh dơ̆ pơrlòng bơta gĭt wă, bơta chài rcang lài kơryan dà bŭ ai kơnòm dềt nam 2024.

VOV4.K’Ho- Ngai òr (06/08), Mpồl kwang bàng jăt sền Mpồl duh broă Jơi bơtiàn Quốk hội dê geh ồng Y Thanh Hà Niê Kdăm, Kwang geh jơng tàm Đảng Dà lơgar, Kwang geh jơng tàm Anih duh broă Sùm Quốk hội, Củ tịc Mpồl duh broă Jơi bơtiàn Quốk hội dê lam bồ mpồl kwang bàng neh lơh jăt broă jăt sền mìng dùl tơngu me broă lơh jăt adăt boh lam bè broă lơh kwang bàng gơwèt mờ mpồl kwang bàng cau jơi bơtiàn ờ gal cau, tơngai bơh nam 2016 tus 2023, tàm càr Kon Tum.