VOV4.K’Ho- Mho ngai 05/08, Thủ tướng Cíñ phủ ồng Phạm Minh Chính đơng lam pơrjum mờ Kwang đơng lam bồ Ngân hàng Dà lơgar Việt Nam, Ƀộ Priă jền, Ƀộ Broă rơndăp lơh mờ Bơcri priă mờ bàr pe ƀộ, gah broă, anih lơh broă bè broă dong kờl priă ngui tăc blơi.

VOV4.K’Ho- Mho mờ mang òr (05/08), tàm Hìu Quốk hội, Củ tịc Quốk hội ồng Trần Thanh Mẫn neh wă Kwang atbồ Anih lơh broă ala măt lơgar Hàn Quốk tàm lơgar Việt Nam ồng Choi Youngsam.

VOV4.K’Ho- Ală nam rềp ndo broă lơh geh cau, tề lam làng bol là kơnòm bơsram sùm geh ală kâp ủy Đảng ală hìu bơsram kâp pe tàm ù tiah kơnhoàl Buôn Đôn, càr Dăk Lăk sền gròi. Bulah khà kơnòm bơsram geh ơm tàm mpồl bơh Đảng ờ hềt uă mơya bơh hơ̆, broă gĭt wă bè jơnau kờñ niam bơnĕ ngan kăc màng dê ai ală kơnòm bơsram in geh bơtơl, bơsram tàp nàng pơn jăt tai pơnđơl pràn gơgơs là cau geh kwơ ai mpồl bơtiàn in.

VOV4.K'Ho- Ngai òr (05/08), ồng Nguyễn Trọng Nghĩa, Kwang geh jơng tàm Ƀộ Cíñ trị, Kwang atbồ Ƀan Tuyên giáo dà lơgar mờ mpồl lơh broă neh tus bal “Ngai chờ jơh gùt làng bol sền gàr lơngăp lơngai dà lơgar” tàm ƀòn dờng Gò Công, càr Tiền Giang.

VOV4.K’Ho- Drim ngai 05/08, Thủ tướng Cíñ phủ ồng Phạm Minh Chính đơng lam dơ̆ pơrjum Cíñ phủ ờs mờng nhai 07.

VOV4.K’Ho Drim ngai 05/08, tàm càr Gia Lai neh geh lơh Dơ̆ jàu Khà jờng Sră ƀăo tiah Tây Nguyên dơ̆ sơnrờp, mờ 22 jơnau cih jak ngan gơ wèt 4 sră ƀăo neh geh jàu khà jờng.

VOV4.K'Ho- Di dơ̆ Kwang geh jơng tàm Ƀộ Cíñ trị, Củ tịc lơgar ồng Tô Lâm geh pồ at gơnoar broă Tổng Ƀí thư Mpồl duh broă Đảng he dê, kwang đơng lam bồ ală đảng, ală lơgar neh pơyua sră, pơyua jơnau nting bơr gờm chờ.

VOV4.K'Ho- Mho òr (04/08), Phó Thủ tướng ồng Trần Lưu Quang bal mờ mpồl lơh broă bơh dà lơgar dê neh lòt sền broă lơh bơsong jơnau gơ lời wơl bơh dà kŏ dà cò tàm xã Mường Pồn, kơnhoàl Điện Biên, càr Điện Biên.

VOV4.K'Ho- Tàm ală ngai pa do, Viện Vật lý địa kầu pơgồp bal mờ gơnoar atbồ kơnhoàl Kon Plông, càr Kon Tum neh pờ ală ơdŭ bơto pơlam tơnguh jơnau git wă rơcang lài drơng mờ tơrluh ù.

VOV4.K’Ho- Tềng đăp mờ bơta gùng sồ 14C gơl lòt gan kơnhoàl Dăk Mil, càr Dăk Nông gơtìp tơrlah uă, Đah Gùng lòt ù gờl lơgar Việt Nam neh tă 56 tơmàn 400 tơlăk đong nàng lơh niam wơl tiah gơtìp tơrlah.