Do là nam bơsram bơh sơnrờp gah bơto bơtê mŭt tàm tơngai pa tơnơ̆ tŭ càr Dăk Lăk tơmŭt bal mờ càr Phú Yên. Tơngume sùm sùm geh jơh gùt gah bơto bơtê săc rwah là: “Duh rơngòt adăt boh lam – Bơceh lơh – Tam gơl pràn – Bơtàu tơngguh”. Tơnơ̆ tơrgùm dùl, broă bơto bơtê càr Dăk Lăk dê geh pờ ơnàng bal mờ rlau 1 rbô 370 anih bơto bơtê bơh ơdŭ bơh sơnrờp tus kâp pe, bơto bơtê broă lơh mờ bơto bơtê sùm.

Jơh gùt càr tŭ do geh rlau 700 rbô nă kơnòm bơsram, cau bơsram dờng bal mờ mpồl rlau 38 rbô 400 nă kwang bàng ătbồ, pơgru, lơh geh jơnau kờñ bơtàu tơngguh bơto bơtê. Jơnau kờñ tàm nam bơsram do, càr Dăk Lăk lơh ngan tơngguh khà hìu bơsram lơh geh tơl jơnau sồr dà lơgar dê gơguh 55%, gàr kơ̆ khà pơrlòng gơkờn jơh bơsram kâp pe rlau 98% mờ pơn jăt tai tơmù bơta ờ ndrờm bal cồng nha bơto bơtê đah tiah ƀươn mờ tiah kal ke, wèt tus bơta bơtàu tơngguh ndrờm bal mờ kơnhăp jŏ ai jơh gùt gah in.

Tàm Gia Lai, rlau 760 rơbô 300 nă kơnòm bơsram tàm 1 rơbô 200 nơm hìu bơsram tus bal Dơ̆ sơnđờm mut nam bơsram pa 2025-2026. Tàm trồ tiah tơlir niam, lơngơm mrềt, ờ geh mìu neh lơh geh nùs nhơm hô hơng ai ngai chờ jơh gùt làng bol jun kòn lòt bơsram. Nam bơsram do, càr Gia Lai geh 760 rơbô 306 nă kơnòm bơsram tàm 23 rơbô 017 ơdŭ bóram mờ kờp jơh geh 37 rơbô 347 nă kwang bàng, cau pơgru, cau lơh broă. Mơya, gah bơto bơtê kung gam ờ tơl rlau 3 rơbô 500 nă cau pơndrờm mờ jơnau kờñ, tàm tŭ phan bơna tàm uă tiah, ngan là tiah nhàr lơgar ờ hoan niam ngan.

Tềng đăp mat, gah bơto bơtê rơ̆p tă pơgồp jơnau đơs mờ Anih duh broă Làng bol càr Gia Lai sac rơ wah bơtơl 1 rơbô 428 nă cau pơgru, mơkung rơndăp tăp sèng, tàm pơdar di pal nàng kờñ lơh geh jơnau kờñ bơto bơtê, ngan là gơwèt mờ ală môn bơsram pa jat broă lơh bơto bơtê pe kấp nam 2018 dê. Do là broă lơh rcang kwơ màng nàng gàr niam cồng nha bơto bơtê mờ bơsram tàm nam bơsram pa.