Tàm dơ̆ lòt còp kâp dà lơgar tus lơgar Việt Nam, ngai 11/9, Cau ala mat gơnoar atbồ lơgar Australia mò Sam Mostyn mờ Bơklau tus bal Anih cribơyai Việt Nam – Australia pah nam dơ̆ 3 tàm Hà Nội. Đơs niam ală broă lơh bal geh cồng nha bơh Bơta git gơp lơh broă bal jŏ jòng tơl làm Việt Nam – Australia, Cau ala mat gơnoar atbồ lơgar Australia mò Sam Mostyn đơs là, tàm nam 2025, 2 lơgar rơp pơn jat tai bal mờ gơp bơsong ală bơta lòng kal ke bơh tŭ tơngai dê, bè: tam gơl kă bro phan gùt plai ù, gơguh lơh sa, tam gơl sồ, tam gơl năng lượng, tam gơl nhơm trồ tiah, ring bal ùr klau mờ lơh niam wơl tiah lơh broă dà lơgar.

Tàm anih cribơyai, ală cau ala mat tơrgùm cribơyai ală broă tam gơl wơl lài ngan bơh lơgar Việt Nam dê, geh bơt bơtàu adat boh lam, tam gơl sồ, mut gơ rờm bal ală lơgar mờ bơtàu tơnguh tiah nă să is. Broă do kung cih dờp bơta dong kờl jŏ jòng bơh Australia dê gơ wèt mờ broă tơnguh pràn jak ai tiah dà lơgar mờ bơtàu tơnguh cau lơh broă bơh Việt Nam dê in.