Tơnơ̆ 5 ngai nggùl lơh broă, drim ngai 29/09, Anih duh broă lơh kơnòl broă sùm Quôk hội tơn jơh dar pơrjum dơ̆ 49, neh sền sơ wì 34 tơngume, tàm hơ̆ geh 13 rơndăp broă lơh adat rcang yal mờ Quôk hội in ring bal tàm pơrjum dơ̆ 10. Củ tịc Quôk hội ồng Trần Thanh Mẫn sồr ală anih lơh broă mhar iăt kơno tơl làm jơnau đơs neh ring bal, lơh sir jơnau yal pơyoa Cau ala mat Quôk hội in di tŭ tơngai.

Pơrjum dơ̆ 10, pơrjum dŭt ndơl bơh Quôk hội khoă 15 dê, geh mpồl broă lơh dờng, sền sơ wì ală tơngume ờs mờng, mơkung tơn jơh tơngai lơh broă mờ ring bal uă broă lơh kwơ màng pơlam gùng dà tàm tơngai pa. Kờp dŭ, Quôk hội rơ̆p sền sơ wì, ring bal mờr 50 rơndăp broă lơh adat, Jơnau lơh nền tàm pơrjum, tàm hơ̆ geh uă Jơnau lơh nền tàm pơrjum kwơ màng nàng kờñ lơh ngan ngồn adat boh lam di tŭ ală gùng dà broă lơh pa bơh Dà lơgar bè bơto bơtê, lơh sơnơm mờ mut gơ rờm bal ală lơgar.