Tàm dơ̆ tìp măt kấp dờng, 2 nă kwang đơng lam bồ neh ring bal pơn jat tai sơlơ tơnguh tai ală mpồl kấp Ƀộ, gah broă ƀòn lơgar mờ mpồl lơh sa kă bro nàng lam lơh ngan ngồn ală jơnau ring bal kấp dờng 2 lơgar; ring bal lam lơh sùm mờ tơnguh uă cồng nha ală broă lơh lơh broă bal đah 2 gah, ală broă lơh lơh broă bal niam chài mờ tìp mat lơh kwèng làng bol tàm “Nam Lơh bơyô bal Việt Nam mờ Cuba 2025” mờ ală nam pơn jat tai.

Sơlơ tơnguh tai bơta pơgồp bal, cribơyai nùs nhơm, pơgồp bal tàm ală dơ̆ cribơyai, broă lơh uă lơgar mờ ală mpồl ală lơgar mờ 2 lơgar là lơgar tàm mpồl bal; lơh pràn rlau tai lơh broă bal đah ală mpồl cíñ trị- mpồl bơtiàn mờ ƀòn lơgar 2 lơgar dê; sơlơ tơnguh tai yal jơnau, mblàng yal, tề lam, bơto bơtê rơnàng kơnòm să 2 lơgar bè bơhiàn yau, bơta gĭt gơ̆p is ồn, lơh krơh niam mờ jơh nùs đah 2 jơi bơtiàn dê.