Jat jơnau yal, jơh gùt càr Dăk Lăk geh 3 nă cau chơ̆t, 2 nă cau sồt să; 16 nơm hìu tơrlah jơh, 420 nơm hìu gơ pồ rơkàng hìu, 737 nơm hìu gơtìp ngơr bam dà, pơgăp 3 rơbô 500 lồ phan tam mờ 54 rơbô hìu gŭ ròng phan tàm dà gơtìp ờ diơng, uă gơl gùng gơtìp tam cah is, phan bơna bơt bơtàu ồs đèng- sòl àng mờ tờm chi gơtìp gơrềng kơn jơ̆.

Bal mờ mhar bơsong hoàc huơr bè phan bơna bơt bơtàu, Ƀí thư Tỉñ ủy càr Dăk Lăk ồng Lương Nguyễn Minh Triết sồr ală tiah ờ gŏ di lời làng bol ờ tơl tiah ơm lơngăp lơngai, kờp sền dong kờl mhar, hòi jà mpồl cau lơh wơl hìu đam, bơtàu tơnguh wơl lơh sa tơnơ̆ mìu càl rơbŭt dờng.