Tàm sàh Hòa Phú, Anih tờm drơng broă sră pơ àr gơnoar atbồ Dà lơgar bơsong sră nggal di tŭ tơngai lơh geh rlau 99%, mìng gam 28 sră nggal lơyài mờ jơnau pơrgon gơwèt gah ù tiah. Broă lơh “Mpồl lơh broă mhar” mờ “Thôn sồ- ƀuơn ngan, song dơ pă” geh lam lơh dong làng bol tiah ngài gĭt ƀuơn rlau tai mờ drơng broă Dà lơgar”.

Tàm sơnah ƀòn Ea Kao, Anih tờm ai 10 nă kwang bàng, rcang tơl làm phan bơna măi mok, neh bơsong rlau 2 rơbô 500 sră nggal, khà lơh geh di mờ tơngai pơrgon là 99,7%. Sơnah ƀòn gam tơrlòng lài ngui bồ tơngoh ngăc ngar kòn bơnus lơh gơlik nàng dong kờl làng bol tong sră nggal mờ sền gĭt jơnau yal mờ mã QR, mơkung tàm tơrbŏ bal mờ ală drơng broă dà lơgar tàm bơnàng jă “Dăk Lăk sồ”.

 Bơh lòt sền, ồng Lương Nguyễn Minh Triết, Ƀí thư Tỉñ ủy càr Dăk Lăk sồr 2 tiah do pơn jat tai kờp sền, lơh ngan ngồn broă lơh, bơcri priă ring bal phan bơna măi mok, bơto bơtê kwang bàng mìng lơh dùl kơnòl broă nàng ală anih tờm in lơh broă geh cồng nha, ngan ngồn rlau tai, pơgồp bơnah bơt bơtàu gơnoar atbồ sồ tàm ƀòn lơgar

 Đắk Lắk đề nghị 2 địa phương tiếp tục rà soát, chuẩn hóa quy trình, đầu tư đồng bộ hạ tầng công nghệ, đào tạo cán bộ chuyên trách để các trung tâm hoạt động hiệu quả, thực chất hơn, góp phần xây dựng chính quyền số ở cơ sở.