Jăt Broă rơndăp lơh bơh Ƀộ Broă lơh sa sươn sre mờ Tiah ơm kis dê, ală broă lơh tơngkah kir sơnrai 80 nam geh lơh bơh nhai 7 tus ngai 12 nam 2025 mờ uă broă lơh cíñ trị, mpồl bơtiàn, niam chài geh gơtha jrô ơnàng ngan.

Mờ jơnau đơs “Bơhiàn – Tam gơl pa – Bơtàu tơngguh – Kơnhăp jŏ”, Dơ̆ tơngkah kir sơnrai 80 nam gah Broă lơh sa sươn sre mờ Tiah ơm kis ờ mìng là dơ̆ kah rơngal ală rơnàng cau neh tă pơgồp dà kơlhề mờ gam là tŭ tơngai pờ gơlik tŭ tơngai bơtàu tơngguh pa – wèt tus rài broă lơh sa sươn sre ƀòn brê bơnơm, ƀòn lơgar pa ngan, cau lơh broă sa jak chài, gơ jăt bal mờ ătbồ, tơnhàu mờ sền gàr phan kwơ geh is – tiah ơm kis geh cồng nha, jŏ jòng. Đòm jăt bơhiàn 80 nam pơnrơ ngan, jơh gùt gah pơn jăt tai lơh pràn tàm pơrlòng gơboh lơgar, tam gơl pa bồ tơngoh kơlôi sơnơng ătbồ, ngui jak chài – măy mŏk, tam gơl sồ, pơgồp bơnah bơ̆t bơtàu dà lơgar pas pràn, tơlir mờ gơboh gơbài, lơh geh ngan ngồn jơnau kơ̆p kờñ ngan “Việt Nam dờng pràn, bơtàu tơngguh, tơlir mờ kơnhăp jŏ”.