Ngai 28/08, tàm Hìu lơh broă Đảng Dà lơgar, Mpồl lơh broă sồ 2 bơh Ƀộ Cíñ trị bơh Thủ tướng ồng Phạm Minh Chính đơng lam lơh broă mờ Mpồl Lơh kơnòl broă sùm Thàñ ủy ƀòn dờng Hải Phòng mờ Tỉñ ủy càr Quảng Ngãi, pơgồp jơnau đơs jơnau rcang cih sră nggal mờ ală jơnau neh lơh nền kwang bàng kấp ủy yal tàm dơ̆ Pơrjum dờng Đảng ƀộ tơngai lơh broă bơh nam 2025 - 2030.

Đơs pơndŭt pơrjum, Thủ tướng ồng Phạm Minh Chính sền bal ring bal mờ jơnau rcang cih sră nggal yal mờ Pơrjum dờng Đảng ƀộ Hải Phòng mờ Quảng Ngãi tàm tơngai lơh broă tus do, mơkung sơñio loh bơta ờ niam, jơnau gơbàn mờ ai tơlik jơnau bơsram mờng chài rơ̆ ru. Gùng dà broă lơh, jơnau kờñ, kơnòl broă tơngai lơh nam 2025 - 2030 neh tơngŏ nùs nhơm lơh ngan cíñ trị, sền sơnơng bơtàu tơnguh mờ lơh ngan ngồn gùng dà pơlam dờng bơh Đảng dê. Thủ tướng sồr kấp ủy 2 tiah do iăt kơno jơnau đơs, lơh sir sră nggal, broă lơh lơh broă loh làng jơnau kờñ, kơnòl broă, bơta pràn, kơnòl, gơtùi lam lơh mơ tơn tơnơ̆ Pơrjum dờng.