Ƀộ Cíñ trị lơh broă mờ Mpồl Lơh kơnòl broă sùm Đảng ủy Cíñ phủ
Thứ năm, 07:58, 11/09/2025
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Drim òr (10/09), tàm Hìu lơh broă Đảng Dà lơgar, tềng đăp mờ broă đơng lam bơh Tổng Ƀí thư ồng Tô Lâm, Ƀộ Cíñ trị geh dơ̆ lơh broă mờ Mpồl lơh kơnòl broă sùm Đảng ủy Cíñ phủ nàng pơgồp jơnau đơs tàm jơnau rơcang cih sră nggal, gùng dà broă kwang bàng kấp ủy mờ broă rơcang Pơrjum dờng cau ala măt Đảng ƀộ Cíñ phủ tơngai lơh broă bơh nam 2025 tus 2030.
Tàm dơ̆ lơh broă, Ƀộ Cíñ trị neh iăt ala măt Mpồl Lơh kơnòl broă sùm Đảng ủy Cíñ phủ yal broă bơ̆t bơtàu jơnau rơcang cih ală sră nggal mờ gùng dà broă kwang bàng tơngai lơh broă bơh nam 2025 tus 2030, yal iăt, mblàng yal jơnau đơs pơgồp bal bơh ală gah, ƀộ lơh broă dà lơgar.
Jơnau đơs pơn dŭt dơ̆ lơh broă, Tổng Ƀí thư ồng Tô Lâm sồr Mpồl Lơh kơnòl broă sùm Đảng ủy Cíñ phủ iăt jơnau đơs bơh ală kwang bàng geh jơng tàm Ƀộ Cíñ trị, jơnau đơs pơgồp bal di pal bơh ală ƀộ, gah lơh broă Dà lơgar dê nàng lơh gơs ală sră nggal mờ gùng dà broă kwang bàng, pơn jăt tai rơcang nền nòn nàng bơyai lơh geh cồng nha Pơrjum dờng Đảng ƀộ tơngai lơh broă bơh nam 2025 tus 2030.
Viết bình luận