Tàm dơ̆ lơh broă, tơnơ̆ tŭ iat Mpồl Lơh kơnòl broă sùm Đảng ủy Kwang àng Dà lơgar yal, Ƀộ Cíñ trị neh cih dờp bơta rơcang lài jơh nùs, crăp rơcang, nền nòn, jơh nùs bơh Đảng ủy Kwang àng Dà lơgar dê.

Jơnau yal cíñ trị geh rơcang jơh nùs, nền nòn, song dơpă, tơl làm, jak chài, sền sơ wì tơl làm cồng nha lơh jat Jơnau lơh nền tàm pơrjum dờng tơngai lơh broă pa do, đơs loh bơta niam, bơta ờ gam ờ niam, jơnau bơh tài mờ gam geh ală bơta ờ niam mờ jơnau bơsram mờng chài; đal git loh gùng dà broă lơh, jơnau kờñ mờ 3 mpồl broă jàu bè broă lơh mờng chài, lơh mờ măi mok lơngăp lơngai mờ tam gơl sồ, dong kờl, bơt bơtàu mpồl lơh broă mờ cribơyai broă mờ lơgar ndai; 8 kơnòl broă tờm mờ 3 bơta tam gơl pràn kuơmàng bơh Đảng ủy Kwang àng Dà lơgar dê tàm tơngai lơh broă tus. Ƀộ Cíñ trị ring bal mờ broă rơndap lơh bơyai lơh Pơrjum dờng cau ala mat Đảng ƀộ Kwang àng Dà lơgar dơ̆ VIII. Bơh tơngume jơnau đơs pơndut tàm pơrjum, sồr Mpồl Lơh kơnòl broă sùm Đảng ủy Kwang àng Dà lơgar cih dờp ală jơnau đơs tă pơgồp nàng lơh sir tơngume ală sră nggal mờ broă lơh kwang bàng Pơrjum dờng; đơng lam, sồr lơh niam tơl broă lơh rơcang lài; bơyai lơh Pơrjum dờng geh cồng nha niam bơnĕ, ngan ngồn lơh krơh niam, pơn rơ ngan.