Đơs niam bơta rơcang nền nòn, jơh nùs bơh Mpồl Mblàng yal Bơto bơtê mờ Hòi jà làng bol Dà lơgar tŭ bơt bơtàu geh jơnau rơcang cih Ală jơnau lơh nền tơl làm, geh uă bơta pa bè bồ tơngoh kơlôi sơnơng, broă tus bal mờ broă lơh, ồng Tô Lâm, Tổng Bí thư, Chủ tịch lơgar đơs loh, broă bơt bơtàu Broă rơndap lơh broă lơh bồ tơngoh bơh Đảng dê tàm tŭ tơngai tam gơl sồ là jơnau sồr pal geh, jal mhar mờ geh kuơ jŏ jòng. Ồng Tô Lâm, Tổng Bí thư, Chủ tịch lơgar đơs sùm, Ală jơnau lơh nền kờñ pal git nền jơnau đơs sùm bơh Broă rơndap lơh dê là: “Rơcang lài - Ngac ngar - Gơ hòi gơ jà - Geh cồng nha”.

Bơh hơ̆, ồng Tô Lâm, Tổng Bí thư, Chủ tịch lơgar sồr, Ală jơnau lơh nền kờñ pal bơsram 4 jơnau sồr lơh dờng, tàm hơ̆ pal kơ̆ dơn bơnàng jă bồ tơngoh Đảng dê, mờ kung tam gơl pràn broă lơh bồ tơngoh. Kơ̆ dơn ờ lời gơ lòt tìs gùng; tam gơl pa nàng ờ gơ ruc wơl hờ ngkời. Broă lơh bồ tơngoh sơlơ pa bè broă lơh, sơlơ pal kơ̆ kơljap bè chính trị, bồ tơngoh, jơnau pal jat mờ jơnau kờñ lơh geh. Ồng Tô Lâm, Tổng Bí thư, Chủ tịch lơgar kung đơs tus 8 kơnòl broă tờm nàng lơh sir Ală jơnau lơh nền. Bè jŏ jòng, ồng Tô Lâm, Tổng Bí thư, Chủ tịch lơgar kung sồr, tam gơl pa broă lơh bơto bơtê cribơyai jơnau chính trị, bơsram jơnau lơh nền tàm pơrjum jat gùng dà ngan ngồn. Bơta tờm là lơh broă bơsram cribơyai jơnau, bơsram jơnau lơh nền tàm pơrjum ngan ngồn rlau, gơ jat bal mờ broă rlau; bơsram nàng git jrô, git uă, ngui di, lơh broă ring bal, lơh tus gùng tus dà.