Tập đoàn T&T pà git gam kơlôi sơnơng bơcri priă Tiah drà tơrgùm bal đah măt tơngai Lik Buôn Ma Thuột mờ bă ù ơnàng 689 lồ, kờp jơh priă bơcri kờp dŭ tus rơlao 44 rơbô 400 tơmàn đong mờ Tiah drà đah măt tơngai Lik gùng pleh sồ 1 tàm sơnah ƀòn Tuy Hoà, sơnah ƀòn Bình Kiến mờ kờp jơh priă bơcri rơlao 20 rơbô 100 tơmàn đong. Mpồl lơh sa kă bro do kung tơlik nùs nhơm kơ̆p kờñ bơtàu tơnguh ală rơndăp broă lơh ồs đèng càl, ồs đèng măt tơngai tàm càr Dăk Lăk tàm tơngai tus.

Ala măt tập đoàn T&T đơs, càr Dăk Lăk geh uă bơta pràn bơtàu tơnguh bè lơh sa suơn sre, năng lượng lơh geh wơl, kă bro phan, broă lơh drơng ala mờ lòt nhơl; mờ hơ kơlôi sơnơng nền nòn ală jơnau kờñ bơcri priă, gàr niam geh cồng nha mờ gơdờp mờ gùng dà bơtàu tơnguh càr dê. Đơs niam broă sền gròi bơh Tập đoàn dê, ồng Lương Nguyễn Minh Triết, Bí thư Tỉnh ủy càr Dăk Lăk đơs là broă mpồl lơh sa kă bro rơcang jòi sền, ai geh jơnau dan lơh ală rơndăp broă lơh dờng là bơta tơngŏ niam gơwèt mờ jơnau kờñ hòi jà bơcri priă càr dê. Ồng sồr ală anih lơh broă gơrềng bal pơn jăt tai lơh broă bal, lơh mhar broă bơsong sră nggal gơwèt mờ ală rơndăp broă lơh gơwèt broă geh ai lài nàng gờñ lơh jơh ală jơnau kờñ bơcri priă.