Jờng rơ uă ngan bơta rcang lài bơh ală tiah dê tàm broă rcang ală phan bơna, hìu bơsram, ơdŭ bơsram, mpồl cau pơgru, sră măi mờ broă lơh dong kờl cau bơsram, Tổng Bí thư, Chủ tịch lơgar đơs là nam bơsram pa rơ̆p là broă lơh lơh tơrlòng lài sơn rờp gơwèt mờ bơta pràn jak lam lơh Jơnau lơh nền tàm pơrjum sồ 71 bơh Bộ Chính trị dê.

Cau lam bồ Đảng, Dà lơgar sồr ală tiah gàr niam tơl hìu bơsram, ơdŭ bơsram, cau pơgru, sră măi mờ phan bơna măi mok bơto bơsram uă ngan rlau jơh; bơsram lơh jat nùs nhơm “tiah lơi geh kơnòm bơsram, tiah hơ̆ geh cau pơgru”, ờ gŏ di lời kơnòm bơsram lơi pal ơm bơsram tài bơh rài kis kal ke. Mờ gah bơto bơtê kung pal tam gơl pràn bơh bồ tơngoh kơlôi sơnơng atbồ tus atbồ bơtàu tơnguh, rcang lài bơto bơtê mpồl cau lơh broă jak drơng broă jak chài măi mok, tam gơl pa bơceh lơh, tam gơl sồ mờ ală gah broă dờng màng bơh Dà lơgar dê.