Bàr gah đơs niam ală bơta tam gơl niam ngan tàm git gơp 2 Đảng, 2 lơgar tàm tơngai lài, ngan là broă lơh jat ală jơnau git wă bal bơh đơng lam kâp dờng dê. Ồng Lê Minh Hưng sồr sơlơ tơnguh bơta pin dờn kuơmàng, gàr sùm cribơyai kâp dờng, chồl tơnguh tàm tơrbŏ bal phan bơna mờ lơh gơs ală mpồl jun pơndiang phan uă bơta, tàm hơ̆ ai lài lơh broă bal gùng rơndeh ồs.

Thủ tướng kung kơp kờñ rề ơnàng lơh broă bal tàm ală gah jak chài măi mok, bơto bơsram, bơto bơtê cau lơh broă geh bơta niam uă, lơh sơnơm, niam chài mờ lòt nhơl. Ồng Lý Cường, Thủ tướng lơgar Lo đơs nền, lơgar Lo sùm sền Việt Nam là gùng dà lài ngan tàm broă lơh cribơyai mờ lơgar rềp bal, mờ kung crăp rơcang lơh pràn lơh broă bal gùng rơndeh ồs, sơlơ tàm tơrbŏ bal tiah do, chồl tơnguh tàm tơrbŏ bal gah broă lơh mờ rề ơnàng kă bro phan lơh gơs bơh suơn sre đah 2 lơgar.