Tàm 2 ngai, 200 nă cau bơsram là kwang bàng, kông cưk, viên cưk kâp càr mờ kâp sàh rơ̆p geh bơsram sră nggal kơrnoăt boh lam pa, bơsram tàp bơta chài săc rwah, lơh bơsong sră pơyua, tìp măt boh bơr, bơsong jơnau digơlan gơlik geh ờ ƀươn soh mờ ngui măy mŏk sồ tàm broă lơh wă làng bol.

Jăt ồng Ngô Kiểm, Cau lam bồ Lùp sền càr Lâm Đồng dê, broă pờ ơdŭ bơto bơtơl do ờ mìng pơgồp bơnah tơngguh uă bơta niam, cồng nha lơh broă wă làng bol lơm mờ gam tơnggŏ bơta lơh ngan jơh nùs bơ̆t bơtàu rài lơh broă sră pơ àr gơnoar ătbồ sàng goh song dơ pă, geh cồng nha, lơh geh wơl bơta pin dờng bơh làng bol dê. Mơkung đơs sùm, dilah mpồl cau kâp hơđơm lơh niam, bơsong di tŭ tơn bơh sơnrờp, rơ̆p gơmù geh jơnau lòt lùp sơrlèt kâp, pơgồp bơnah lơh broă geh cồng nha gơnoar ătbồ 2 kâp tàm ƀòn lơgar.