Pơrjum dờng geh broă tus bal bơh 449 nă cau ala măt, ala măt rơlao 137 rơbô nă đảng viên gùt Đảng ƀộ dê, ồng Nguyễn Văn nên, Duh broă sùm Mpồl dềt Sră nggal Pơrjum dờng dơ̆ XIV Đảng dê, bal mờ kwang đơng lam ală Ƀộ, gah lơh broă Dà lơgar mờ ală càr neh tus bal.

Nàng lơh jăt jơh, Pơrjum dờng ai 3 broă lơh pràn jŏ jòng: Bơtàu tơnguh cau lơh broă geh bơta niam uă, pơgồp bal mờ tam gơl pa broă kwang bàng; Lơh pràn bơta chài măi mok, tam gơl pa bơceh lơh, tam gơl sồ tàm jơh 3 broă lơh tờm: gơnoar atbồ sồ, lơh sa sồ, mpồl bơtiàn sồ; Trơgùm bơcri priă lơh phan bơna, tàm hơ̆ uă ngan là ală gơl gùng rơndeh lòt mhar, gùng lòt tờm, tiah mpồl lơh sa mờ măi mok, phan bơna tiah drà. Đơs tàm dơ̆ đơng lam Pơrjum dờng, ồng Nguyễn Văn Nên đơs niam ală cồng nha càr neh lơh geh, mờ sồr càr Dăk Lăk tơnguh bơta kwơ krơi is “brê-dà lềng”, lơh pràn broă pơgồp bal tiah, tơnguh uă bơta niam cau lơh broă mờ lơh ngan lơh jăt gùng dà broă gơguh tiah bơcri priă. Pơrjum dờng neh yal Jơnau lơh nền Ƀộ Cíñ trị dê sồr lơh Mpồl duh broă, Mpồl lơh kơnòl broă sùm, Ƀí thư, Phó Ƀí thư Tỉñ ủy tơngai lơh broă bơh nam 2025 tus 2030. Ồng Nguyễn Đình Trung, geh sồr lơh Ƀí thư Tỉñ ủy càr Dăk Lăk tơngai lơh broă bơh nam 2025 tus 2030.