Do là càr geh gal làng bol jơi bơtiàn dồ êt nă cau mờ uă gah jat yàng lơh broă, den tàng broă tam gơl nhàr ù tiah càr tơlik jơnau sồr atbồ nền nòn, kơ̆ kơljap, ờ lời lơyài tàm broă lam lơh broă lơh mờ pơrjum gah jat yàng. 

Tềng đap bơta mùl màl do, càr neh pồ tơl Mpồl sồr lơh broă lơh jơi bơtiàn – pin dờn jat tàng tàm 2 kâp; crơng gơs Sờh Jơi bơtiàn mờ Pin dờn jat yàng mờ 4 cơldŭ ờs mờng, mờ kung ngui niam gơnoar broă cau kra ƀòn, cau kơ đơng yàng, cau duh broă yàng tàm ală broă lơh lam sồr làng bol chài bè “Kis niam lơh àng sơdah jơnau yàng”, “3 lơngăp lơngai”. Ală broă lơh do pơgồp bơnah tam klac bal làng bol, gàr kơ̆ lơngăp lơngai tàm ală sàh pa tơmut bal. Ồng Hồ Văn Niên đơs sùm, dilah ờ bơ tơl di tŭ den broă lơh jơi bơtiàn – pin dờn jat yàng rơp ƀuơn ngan gơtìp aniai, mờ sồr càr pal geh broă lơh kràñ cê rlau tai.