Jăt Sờh Bơta chài mờ Măi mok càr Dăk Lăk đơs, bơh ngai 01 nhai 7 tus ngai 05 nhai 9 nam 2025, ală anih lơh broă sră nggal tàm càr neh dờp mờ bơsong mờr 25 tơlăk 500 rơbô pang sră, tàm hơ̆ sră nggal tàm internet geh mờr 75%. Khà sră nggal tàm internet geh bơsong rơlao 36%.

Anih broă lơh drơng ala dà lơgar càr tŭ do tơlik geh rơlao 2 rơbô 100 pang sră pơ-àr gơnoar atbồ lơgar, mờ 1 rơbô 867 pang sră neh geh tơmŭt tàm internet, dong kờl làng bol, mpồl lơh sa kă bro ƀuơn tàm broă jòi mờ lơh broă. Càr Dăk Lăk ai jơnau kờñ tus lồi nam 2025, 100% broă lơh drơng ala internet tơl bơta pràn rơ̆p ai tàm internet jơh gùt broă lơh, khà sră nggal tàm internet geh ờ uă ngan 70%, ai geh broă lơh pràn tàm broă lơh niam sră nggal, drơng niam rơlao jơnau kờñ bơh làng bol mờ mpồl lơh sa kă bro in.