Broă rơcang Pơrjum dờng cau ala măt Đảng ƀộ càr Dăk Lăk dơ̆ I, tơngai lơh broă bơh nam 2025 tus 2030 gam mŭt tàm tơngai lơh broă jal mhar. Ală broă lơh mblàng yal gam geh lơh ndrờm bal, uă bơta broă lơh, ai geh nùs nhơm chờ hờp tàm kwang bàng, đảng viên bal mờ làng bol.

Kờp dŭ, Pơrjum dờng rơ̆p bơyai lơh tàm lồi nhai 9 do. Do là broă lơh cíñ trị kwơ màng nàng tơn jơh tơngai lơh broă pa do, ai geh gùng dà broă bơtàu tơnguh 5 nam tus, wèt tus Pơrjum dờng cau ala măt gùt lơgar dơ̆ XIV Đảng dê. Tus tŭ do, 106 Đảng ƀộ kấp sàh tàm càr neh lơh gơs Pơrjum dờng. Nàng yal di tŭ, di pal bè Pơrjum dờng, Sờh Niam chài, Tàp pràn să jan mờ Lòt nhơl pơgồp bal mờ ală gah broă rơ̆p bơyai lơh pơrjum ƀăo nàng yal lài mờ tơnơ̆ Pơrjum dờng.