Đơng lam pơrjum, Củ tịc Anih duh broă làng bol càr ồng Tạ Anh Tuấn sồr jat sền nền nòn broă gơlik geh bơh trồ tiah dê, gròi sền kơ̆ bơta kơnhăp kơ̆ tơnau dơng dà, gròi sền ơhò plung mờ ai mpồl lơh broă tàm ƀòn lơgar tơn, ờ gŏ di lời gơtìp rơmơp ndơl, nisơna. Jat Đại tá ồng Nguyễn Văn Lĩnh pà git, 6 jơ drim ngai 05/11, Mpồl ling sền gàr tiah nhàr lơgar càr neh yal jơnau sồr ờ ai lòt tàm dà lềng nàng gàr lơngăp lơngai ai cau lơh ka mờ ơhò plung in. Bal mờ broă gròi sền broă lơh tàm dà lềng, ală sờh, gah broă lơh mờ ƀòn lơgar gam tơrgùm kờp jơh ală ƀòn làng bol ơm kis tàm tiah thòng, tiah pơhìn gơtìp tơrlah, rơcang lài broă rơndap lơh ntrờn, sền gàr broă lơh mờ phan bơna kuơmàng. Mpồl kwang àng, ling klàng, lam lài rơcang pleh trồ tiah lơh aniai kâp sàh, crăp rơcang dong kờl làng bol, ngan là tàm ală tiah digơlan gơtìp dà wềl tŭ mìu dờng. Ồng Tạ Anh Tuấn sồr tơnguh jơnau rơcang ngac, lam lơh jat jơnau đơs “4 tơn tàm dùl bă” ờ gŏ di sền ờ sơp.